പാകിസ്താന്റെ നിയന്ത്രണം താലിബാൻ ഏറ്റെടുത്താൽ അതിശയിക്കേണ്ട; ആ രാജ്യത്തെ നശിപ്പിക്കാൻ പാക് താലിബാൻ തന്നെ ധാരാളം; തസ്ലിമ നസ്രിൻ

പാകിസ്താന്റെ നിയന്ത്രണം താലിബാൻ ഏറ്റെടുത്താൽ അതിശയിക്കേണ്ട കാര്യമില്ലെന്ന് ബംഗ്ലാദേശ് എഴുത്തുകാരി തസ്ലിമാ നസ്രിൻ. പാകിസ്താനിൽ ഭീകരാക്രമണം നടത്താൻ ഐഎസ് ഭികരരു ആവശ്യമില്ല പാക് താലിബാൻ തന്നെ ധാരാളം എന്നായിരുന്നു തസ്ലീമയുടെ ട്വീറ്റ്. കഴിഞ്ഞ ദിവസം കറാച്ചിയിൽ നടന്ന ബോംബ് സ്‌ഫോടനത്തിന് പിന്നാലെയാണ് തസ്ലീമയുടെ പ്രതീകരണം.

കറാച്ചിയിലെ പോലീസ് ആസ്ഥാനത്ത് നടന്ന ഭീകരാക്രമണത്തിൽ അഞ്ച് പേർ കൊല്ലപ്പെട്ടു. ഒരു സുരക്ഷാ ഉദ്യോഗസ്ഥനും സാധാരണക്കാരനും മൂന്ന് ഭീകരരുമാണ് കൊല്ലപ്പെട്ടത്. ആക്രമണത്തിന് പിന്നാലെ തെഹ്രീക്-ഇ-താലിബാൻ ഉത്തരവാദിത്വം ഏറ്റെടുത്തു. അഫ്ഗാൻ താലിബാന്റെ അതേ സ്വാഭാവം പിന്തുടരുന്നവരാണ് തെഹ്രീക്-ഇ-താലിബാനും. പേഷ്വാറിൽ 80 പേർ കൊല്ലപ്പെട്ട ആക്രമണത്തിന് പിന്നിലും ഈ ഭീകര സംഘടന തന്നെയായിരുന്നു.

No need of ISIS, Pakistani Taliban is quite efficient to terrorize Pakistan. I won't be surprised If someday Taliban takes control of Pakistan.

— taslima nasreen (@taslimanasreen) February 18, 2023

മത മൗലികവാദികളുടെ ഫത്വവയെ തുടർന്ന് 1994- ലാണ് തസ്ലീമ ബംഗ്ലാദേശ് വിട്ടത്. ഡോക്ടറായിരുന്ന ഇവർ പ്രവർത്തക മനുഷ്യാവകാശ പ്രവർത്തനങ്ങളിലും സജീവമായിരുന്നു. ലജ്ജ എന്ന നോവൽ പ്രസിദ്ധീകരിച്ചതിന് ശേഷമാണ് അവർ യാഥാസ്ഥിതികരുടെ കണ്ണിലെ കരടായി മാറിയത്. നിലവിൽ സ്വീഡിഷ് പൗരത്വമുള്ള അവർ 20 വർഷമായി യു.എസ്സിലും യൂറോപ്പിലും ഇന്ത്യയിലുമായാണ് കഴിയുന്നത്.