ഹൈദരാബാദ്: ദബീർപുര പോലീസ് സ്റ്റേഷന് സമീപത്തെ രാജാ നരസിംഹ കോളനിയിൽ ഷോർട്ട് സർക്യൂട്ട് മൂലം ഫാക്ടറി ഗോഡൗണിൽ തീപിടിത്തം. ഞായറാഴ്ചയാണ് വൻ തീപിടിത്തമുണ്ടായത്. വിവരമറിഞ്ഞ് ഉടൻ തന്നെ പോലീസും അഗ്നിശമനാ സേനയും സംഭവസ്ഥലത്തെത്തി.
ആളപായമൊന്നും റിപ്പോർട്ട് ചെയ്തിട്ടില്ല. പ്രാഥമിക ഘട്ടത്തിൽ തീ അണച്ചതായി പോലീസ് അറിയിച്ചു. തീപിടിത്തതിൽ ഏകദേശം 2.5 ലക്ഷം രൂപയുടെ നാശനഷ്ടം ഉണ്ടായിട്ടുണ്ടെന്ന് പോലീസ് വ്യക്തമാക്കി.
കഴിഞ്ഞ ദിവസം ഉത്തർപ്രദേശിലെ മഥുരയിലെ വസ്ത്രശാലയിൽ വൻ തീപിടിത്തമുണ്ടായി. ബഹുനിലകെട്ടിടത്തിന്റെ ഒന്നും രണ്ടും മൂന്നും നിലകളിലേക്ക് തീ പടർന്നെങ്കിലും ആളപായമൊന്നും സംഭവിച്ചില്ല. ഒരുപാട് സമയമെടുത്താണ് തീ നിയന്ത്രണവിധേയമാക്കിയത്.
തീപിടിത്തത്തിൽ ഷോറൂം മുഴുവൻ കത്തിനശിച്ചു. അഗ്നിശമന സേനാംഗങ്ങൾ കൃത്യസമയത്ത് എത്തിയെങ്കിലും ഷോറൂം മുഴുവനും അപ്പോഴേക്കും കത്തിനശിച്ചിരുന്നു. അപകടത്തിൽ കോടികളുടെ നഷ്ടമാണ് കടയുടമയ്ക്കുണ്ടായത്.
Comments