ബെംഗളുരു: കർണാടക ഉടുപ്പിയിലെ ശ്രീകൃഷ്ണ ക്ഷേത്രത്തിൽ ദർശനം നടത്തി ബിജെപി ദേശീയ അദ്ധ്യക്ഷൻ ജെ പി നദ്ദ. നിയമസഭാ തെരഞ്ഞെടുപ്പിന് മുന്നോടിയായി ജെപി നദ്ദ തിങ്കളാഴ്ച രാവിലെ കർണാടകയിൽ എത്തിയിരുന്നു. ക്ഷേത്ര ദർശനശേഷം നദ്ദ ഉടുപ്പിയിലും ബേലൂരിലും പൊതുയോഗത്തെ അഭിസംബോധന ചെയ്യും.
കർണാടകയിൽ മൂന്ന് ദിവസത്തെ സന്ദർശനത്തിന് എത്തിയ നദ്ദ മംഗളൂരുവിൽ വിവിധ പരിപാടികളിൽ പങ്കെടുക്കും. ആദിശങ്കരാചാര്യർ സ്ഥാപിച്ച നാല് മഠങ്ങളിൽ ആദ്യത്തേമഠമായ ശൃംഗേരിയിലും അദ്ദേഹം സന്ദർശനം നടത്തും. ഹാസനിൽ നടക്കുന്ന തൊഴിലാളി സമ്മേളനത്തിലും നദ്ദ പങ്കെടുക്കും. ഈ വർഷം മാർച്ച്-ഏപ്രിൽ മാസങ്ങളിലായാണ് കർണ്ണാടക നിയമസഭാ തിരഞ്ഞെടുപ്പ് നടക്കുന്നത്.
ഹാസനിലെ ജില്ലാ പ്രവർത്തക സമ്മേളനമാണ് നദ്ദയുടെ സന്ദർശനത്തിലെ പ്രധാന പരിപാടി. 2023 ഏപ്രിൽ-മെയ് മാസങ്ങളിൽ കർണാടക തിരഞ്ഞെടുപ്പ് നടക്കാൻ സാധ്യതയുണ്ട്.
