ബെഗളൂരു: ധനകാര്യ മന്ത്രി നിർമ്മല സീതാരാമനും സ്പാനിഷ് ധനകാര്യമന്ത്രി നാദിയ കാൽവിനോയുമൊത്തുള്ള ചിത്രങ്ങൾ പങ്കുവെച്ച് സാമ്പത്തിക വിദഗ്ദ ഗീത ഗോപിനാഥ്. ബെംഗളൂരുവിൽ നടന്ന ജി – 20-യുടെ സാമ്പത്തിക യോഗത്തിൽ നിന്നെടുത്ത ചിത്രങ്ങളാണ് ഗീത ഗോപിനാഥ് പങ്കുവെച്ചിരിക്കുന്നത്.
ബെഗളുരുവിൽ നടന്ന ജി20- യോഗത്തിൽ ധനകാര്യമന്ത്രി സീതാരാമനെ കണ്ടതിൽ സന്തോഷമുണ്ടെന്നും,പലകാര്യങ്ങളും ചർച്ച ചെയ്തെന്നുമുള്ള ട്വീറ്റോടു കൂടിയാണ് ഗീത ചിത്രങ്ങൾ പങ്കുവെച്ചത്. ആഗോള തലത്തിലെ പ്രശ്നങ്ങൾ പരിഹരിക്കുന്നതിനായി ഉദാത്തമായ സംഭവാനകൾ നൽകാറുളള സ്പെയിൻ ഉപപ്രധാനമന്ത്രിയും ധനകാര്യമന്ത്രിയുമായ നാദിയ കാൽവിനോ ജി20 സമ്മേളനത്തിന് അനുയോജ്യനായ വ്യക്തിയാണ് എന്ന ട്വീറ്റോടു കൂടിയാണ് ഗീത ചിത്രം പങ്കുവെച്ചിരിക്കുന്നത്.
സ്പാനിഷ് ധനകാര്യമന്ത്രി നാദിയയും ജി20 യോഗത്തിൽ പങ്കെടുക്കുവാനെത്തിയത് സാരി ധരിച്ചായിരുന്നു എന്നത് യോഗത്തിന്റെ മറ്റൊരു പ്രത്യേകതയായിരുന്നു. ഇതിനുപുറമേ ‘പവർഫുൾ ലീഡേഴ്സ്’ എന്ന ട്വീറ്റോടു കൂടി യുഎസ് ട്രഷറി സെക്രട്ടറി ജാനെറ്റ് യെല്ലൻ ഐഎംഎഫ് മാനേജിംഗ് ഡയറക്ടർ ക്രിസ്റ്റലീന ജോർജീവ എന്നിവരുമായുളള ചിത്രങ്ങൾ ഗീത പങ്കുവെച്ചിരുന്നു.
Comments