റായ് പൂർ : കോൺഗ്രസ് പ്രവർത്തക സമിതിയിലേക്ക് തിരഞ്ഞെടുപ്പ് ഒഴിവാക്കി അംഗങ്ങളെ നാമനിർദ്ദേശം ചെയ്യാൻ കോൺഗ്രസ് പ്ളീനറി സമ്മേളനത്തിന് മുന്നോടിയായി ചേർന്ന സ്റ്റിയറിംഗ് കമ്മിറ്റി യോഗത്തിൽ തീരുമാനം. മുൻ അധ്യക്ഷന്മാർ , മുൻ പ്രധാനമന്ത്രിമാർ ,എന്നിവർ കൂടി സ്ഥിരാംഗങ്ങൾ ആകും .
ലോക്സഭ തിരഞ്ഞെടുപ്പും നിയമസഭാ തിരഞ്ഞെടുപ്പും വരുന്ന വേളയിൽ വീണ്ടും പാർട്ടിയിൽ തിരഞ്ഞെടുപ്പ് വന്നാൽ അത് പൊട്ടിത്തെറി ഉണ്ടാക്കും എന്നാണു ഭൂരിഭാഗം നേതാക്കളും പറഞ്ഞത്. പി ചിദംബരം, അജയ് മാക്കന് തുടങ്ങിയ നേതാക്കള് തിരെഞ്ഞെടുപ്പ് വേണമെന്ന് ആവശ്യപ്പെട്ടു .പക്ഷെ ഭൂരിപക്ഷം മറിച്ചാണ് പറയുന്നത് എന്ന് സൂചിപ്പിച്ചുകൊണ്ട് ഖാർഗെ തീരുമാനം പ്രഖ്യാപിക്കുകയായിരുന്നു.
ഇതോടെ സോണിയ – രാഹുൽ പക്ഷത്തിനു പൂർണ്ണമായും കീഴടങ്ങി നിൽക്കുന്നവർ മാത്രമേ പ്രവർത്തക സമിതിയിൽ വരൂ എന്ന് തീരുമാനമായി.
തിരഞ്ഞെടുപ്പ് ഒഴിവാക്കാൻ തീരുമാനിച്ച യോഗത്തിൽ സോണിയ രാഹുൽ പ്രിയങ്ക എന്നിവർ പങ്കെടുത്തില്ല.
