ബസ് ടിക്കറ്റെടുക്കുന്നതിന് പുതിയ മാർഗവുമായി പേടിഎം. യാത്രക്കാർക്ക് ഇനി ഫോണിൽ പെയ്മെന്റുകൾ നടത്താം. ബാഗിൽ പണം തിരയേണ്ടതിന്റെ ആവശ്യമില്ല. പേടിഎമ്മിന്റെ ഉടമസ്ഥതയിലുള്ള വൺ97 കമ്മ്യൂണിക്കേഷൻസ് ലിമിറ്റഡ്-പശ്ചിമ ബംഗാൾ ട്രാൻസ്പോർട് ലിമിറ്റഡ് എന്നിവയുടെ സംയുക്ത പങ്കാളിത്തത്തോടെയാണ് പുതിയ സേവനം നടപ്പിലാക്കുന്നത്. സാമ്പത്തിക ഇടപാടുകൾ, ക്യൂആർ കോഡ്, മൊബൈൽ സേവനങ്ങൾ എന്നിവയുടെ പ്രായോജകരാണ് വൺ97 കമ്മ്യൂണിക്കേഷൻസ് ലിമിറ്റഡ്. ഇവരുടെ സംയുക്ത പങ്കാളിത്തത്തോടെ നടപ്പിലാക്കിയിരിക്കുന്ന പദ്ധതിയിലൂടെ ഇനി ഓൺലൈനായി ടിക്കറ്റ് ബുക്ക് ചെയ്യാവുന്നതാണ്. ഉപയോക്താക്കളുടെ സൗകര്യപ്രദമായ ഉപയോഗത്തിനായി സർക്കാർ ഉടമസ്ഥതയിലുള്ള മറ്റൊരു കമ്പനിയെ കൂടി ഇതിൽ ഉൾപ്പെടുത്തിയിട്ടുണ്ട്.
ഏസി, നോൺ ഏസി ബസ്സുകളിലായി ഡബ്ല്യൂബിടിസിഎൽ നടത്തുന്ന 40 റൂട്ടുകളിൽ യാത്രക്കാർക്ക് ഓൺലൈനിലൂടെ ടിക്കറ്റ് സ്വന്തമാക്കാവുന്നതാണ്. പേടിഎമ്മിലൂടെയാവും ടിക്കറ്റ് കരസ്ഥമാക്കാൻ സാധിക്കുക. കൊൽക്കത്ത, ദിഘ, ബരാസത്ത് , ഹൽദിയ, പുരുലിയ, ദുർഗ്ഗാപൂർ, ഹബ്ര, അസൻസോൾ, ബോൽപൂർ, മായാപൂർ, മൽദ എന്നീ സ്ഥലങ്ങളിലേക്കുള്ള യാത്രയ്ക്കുള്ള ടിക്കറ്റുകളാണ് ആദ്യ ഘട്ടത്തിൽ ഒരുക്കിയിരിക്കുന്നത്.
പേടിഎം ഉപയോക്താക്കൾക്ക് അവരുടെ അക്കൗണ്ടുകളിലൂടെ എത്ര ഇടപാടുകൾ വേണമെങ്കിലും നടത്താൻ സാധിക്കും. ഡബ്ല്യൂബിടിസിഎൽ ഉൾപ്പെടെ 11 സർക്കാർ ഉടമസ്ഥതയിലുള്ള ട്രാൻസ്പോർട്ട് കമ്പനികളുമായി പങ്കാളിത്തം സ്ഥാപിച്ചിട്ടുണ്ട്. കൂടാതെ ആന്ധ്രാപ്രദേശ്, തെലങ്കാന, ഗുജറാത്ത്, രാജസ്ഥാൻ എന്നീ സംസ്ഥാനങ്ങളിലേക്കും സംവിധാനം വ്യാപിപ്പിക്കും.
പേടിഎമ്മിലൂടെ ഇടപാട് നടത്തുന്നതിന് മുമ്പ് എല്ലാ കമ്പനികളുടെയും ഔദ്യോഗിക പട്ടിക വിലയിരുത്തി ഏറ്റവും ചെലവ് കുറഞ്ഞ സേവനം നൽകുന്ന കമ്പനിയേതെന്ന് കണ്ടെത്താനാവും. കൂടാതെ പേടിഎം യുപിഐ, പേടിഎം വാലറ്റ്, നെറ്റ്ബാങ്കിങ്, ഡെബിറ്റ് കാർഡ്, ക്രെഡിറ്റ് കാർഡ് എന്നിങ്ങനെ വിവിധ തരത്തിൽ പണമിടപാട് നടത്താനാവും. ബെസ്റ്റ്പ്രൈസ് എന്ന പ്രമോ കോഡ് ഉപയോഗിച്ച് ടിക്കറ്റ് ബുക്ക് ചെയ്യുന്നവർക്ക് 100 രൂപ വരെ ക്യാഷ്ബാക്കും ലഭിക്കും.
Comments