അനുഷ്‌ക ശർമ്മ-വിരാട് കോഹ്‌ലിയുടെ മഹാകാലേശ്വര ക്ഷേത്ര ദർശനം സനാതന ധർമ്മത്തെ മഹത്വപ്പെടുത്തി : ദമ്പതികളെ ‘പവർ കപ്പിൾ’ എന്ന് വിശേഷിപ്പിച്ച് കങ്കണ റണാവത്ത്

അനുഷ്‌ക ശർമ്മയുടെയും വിരാട് കോഹ്‌ലിയുടെയും ഉജ്ജയിനിലെ മഹാകാലേശ്വർ ക്ഷേത്ര ദർശനത്തിന് പിന്നാലെ പ്രശംസയുമായി ബോളിവുഡ് നടി കങ്കണ റണാവത്ത്. അടുത്തിടെയാണ് ഉജ്ജൈനിലെ മഹാകാലേശ്വർ ക്ഷേത്രത്തിൽ ഇരുവരും ദർശനം നടത്തിയത്. ഇതിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലായിരുന്നു. ദമ്പതികളുടെ മഹാകാലേശ്വര ക്ഷേത്ര ദർശനം സനാതന ധർമ്മത്തെ മഹത്വവത്കരിക്കുന്നുവെന്ന് പറഞ്ഞ കങ്കണ ഇരുവരേയും ‘പവർ കപ്പിൾ’ എന്ന് വിശേഷിപ്പിക്കുകയായിരുന്നു.

“അനുഷ്‌കയും വിരാടും മികച്ച മാതൃകയാണ് കാണിക്കുന്നത്. മഹാകാലേശ്വര ക്ഷേത്ര ദർശനം സനാതന ധർമ്മത്തെയും മഹത്തായ ഈ സംസ്കാരത്തെയും മഹത്വപ്പെടുത്തുന്നു. ഇതിലൂടെ സംസ്ഥാനത്തെ വിനോദസഞ്ചാര വികസനം വിപുലമാകും. രാജ്യത്തെ സമ്പദ്‌വ്യവസ്ഥയുടെ വളർച്ചയ്‌ക്ക് ടൂറിസത്തിന്റെ വികസം വലിയ മുതൽക്കൂട്ടാണ്. ദമ്പതികളുടെ ക്ഷേത്ര സന്ദർശനത്തിന്റെ ഒരു വീഡിയോ തന്റെ ഇൻസ്റ്റാഗ്രാം സ്റ്റോറിയിൽ പങ്കുവെച്ചുകൊണ്ട് വിരാടിനെയും അനുഷ്കയെയും ‘പവർ കപ്പിൾ‘ എന്നും കങ്കണ വിശേഷിപ്പിച്ചു.