ന്യൂഡൽഹി: ട്രെയിനിന്റെ അവസാനത്തെ കോച്ചിന് പിന്നിൽ ഇംഗ്ലീഷ് അക്ഷരമാലയിലെ x എന്ന് എഴുതിയിരിക്കുന്നത് എന്തിനാണെന്ന് എപ്പോഴെങ്കിലും ചിന്തിച്ചിട്ടുണ്ടോ? അധികമാർക്കും അറിയാത്ത ആ വസ്തുത എന്തെന്ന് വ്യക്തമാക്കിയിരിക്കുകയാണ് ഇന്ത്യൻ റെയിൽവേ മന്ത്രാലയം.
ട്രെയിനിന്റെ അവസാനത്തെ കോച്ച് ആണെന്ന് മനസ്സിലാക്കാൻ വേണ്ടിയാണെന്നാണ് x എന്ന് രേഖപ്പെടുത്തിയിരിക്കുന്നത്. ഇന്ത്യൻ റെയിൽവേയുടെ ട്വീറ്റിലൂടെയാണ് ഇക്കാര്യം പങ്കുവെച്ചത്. ട്രെയിൻ കടന്ന് പോകുമ്പോൾ കോച്ചുകളൊന്നും വിട്ടുപോയിട്ടില്ലെന്ന് ഉദ്യോഗസ്ഥർ മനസ്സിലാക്കാൻ കൂടി വേണ്ടിയാണെന്നും ട്വീറ്റിൽ പറയുന്നു.
Did you Know?
The letter ‘X’ on the last coach of the train denotes that the train has passed without any coaches being left behind. pic.twitter.com/oVwUqrVfhE
— Ministry of Railways (@RailMinIndia) March 5, 2023
അവസാനത്തെ കോച്ചിനു പിന്നിൽ X എന്ന് രേഖപ്പെടുത്താത്ത ഒരു ട്രെയിൻ സ്റ്റേഷനിലൂടെ കടന്നുപോവുകയാണെങ്കിൽ, ട്രെയിൻ എന്തെങ്കിലും അടിയന്തര സാഹചര്യത്തെ നേരിട്ടുകൊണ്ടിരിക്കുകയാണെന്ന് മനസ്സിലാക്കാം. ട്രെയിൻ അവസാനത്തെ കമ്പാർട്മെന്റ് ഇല്ലാതെയാണ് മുന്നോട്ടു പോകുന്നതെന്നും ഉദ്യോഗസ്ഥർക്ക് മനസ്സിലാകും.
Comments