‘ ഇന്ത്യൻ സംസ്കാരം വളരെ സമ്പന്നമാണ്, സിനിമ ചെയ്യുമ്പോൾ ഇത് മനസിലുണ്ടാകണം ‘ ; മകന് പ്രധാനമന്ത്രി നരേന്ദ്രമോദി നൽകിയ ഉപദേശം പങ്ക് വച്ച് രാജമൗലിയുടെ പിതാവ്

ന്യൂഡൽഹി :ആർആർആർ എന്ന ചിത്രത്തിലെ ‘നാട്ടു-നാട്ടു’ എന്ന ഗാനം ഓസ്‌കാർ നേടിയത് രാജ്യത്തിന് തന്നെ ഏറെ അഭിമാനനേട്ടമാണ് ഉണ്ടാക്കിയിരിക്കുന്നത് . എസ് എസ് രാജമൗലിയുടെ പിതാവും ‘ആർആർആർ’ എന്ന ചിത്രത്തിന്റെ തിരക്കഥാകൃത്തുമായ വി വിജയേന്ദ്ര പ്രസാദും ഈ അവസരത്തിൽ സന്തോഷം പ്രകടിപ്പിച്ചു. ഇന്ത്യയുടെ സാംസ്‌കാരിക പൈതൃകത്തിന്റെ നേർക്കാഴ്ച സിനിമകളിലൂടെ ലോകമെമ്പാടും ഇപ്പോൾ എത്തിക്കൊണ്ടിരിക്കുകയാണെന്ന് വി വിജയേന്ദ്ര പ്രസാദ് വിശ്വസിക്കുന്നു. സ്വകാര്യ ചാനലിന് നൽകിയ അഭിമുഖത്തിൽ പ്രധാനമന്ത്രി നരേന്ദ്രമോദിയുമായി താൻ നടത്തിയ സംഭാഷണവും വിജയേന്ദ്ര പ്രസാദ് അനുസ്മരിച്ചു .

അവാർഡ് ദാന ചടങ്ങിന് മുമ്പ് താൻ പ്രധാനമന്ത്രി നരേന്ദ്ര മോദിയെ കണ്ടിരുന്നതായി ഓസ്‌കാർ പുരസ്‌കാരം വിജയേന്ദ്ര പ്രസാദ് പറയുന്നു. പ്രധാനമന്ത്രിയുമായുള്ള കൂടിക്കാഴ്ച വളരെ ചെറുതായിരിക്കുമെന്ന് പ്രതീക്ഷിച്ചിരുന്നുവെന്നും എന്നാൽ സംഭാഷണം ആരംഭിച്ചപ്പോൾ 40 മിനിറ്റ് കടന്നുപോയെന്നും അദ്ദേഹം പറയുന്നു . ഈ 40 മിനിറ്റിനുള്ളിൽ ലോകം ഇന്ത്യയെ ഏത് വീക്ഷണകോണിൽ നിന്ന് കാണണം എന്ന ഒരു വിഷയം മാത്രമാണ് ഞങ്ങൾ ചർച്ച ചെയ്തത്.

പ്രധാനമന്ത്രിയുടെ വ്യക്തിത്വം തന്നെ ആകർഷിച്ചു . ഓസ്‌കാറിന് മുമ്പ് പ്രശസ്ത സംവിധായകൻ സ്റ്റീവൻ സ്പിൽബർഗ് നൽകിയ അതേ ഉപദേശമാണ് പ്രധാനമന്ത്രി നരേന്ദ്രമോദി രാജമൗലിക്കും നൽകിയതെന്ന് വിജയേന്ദ്ര പ്രസാദ് പറഞ്ഞു. പാശ്ചാത്യരുടെ സ്വീകാര്യതയ്‌ക്കായി സിനിമകളിൽ പാശ്ചാത്യ സംസ്കാരം കലർത്തേണ്ടതില്ലെന്ന് സ്റ്റീവൻ സ്പിൽബർഗ് പറഞ്ഞതായി വിജയേന്ദ്ര പ്രസാദ് പറഞ്ഞു . ഇന്ത്യൻ സംസ്കാരം വളരെ സമ്പന്നമാണ്, സിനിമ ചെയ്യുമ്പോൾ ഇതിലായിരിക്കണം ശ്രദ്ധ എന്ന് സ്പിൽബർഗ് പറഞ്ഞ ഉപദേശം തന്നെയാണ് മോദിയും നൽകിയത്- വിജയേന്ദ്ര പ്രസാദ് പറഞ്ഞു.