സ്വർണ കടത്തിന്റെ കേന്ദ്രമായി കരിപ്പൂർ വിമാനത്താവളം; 1.1 കോടി രൂപ വിലമതിക്കുന്ന സ്വർണവും എട്ട് ലക്ഷം രൂപയുടെ വിദേശ കറൻസിയും പിടികൂടി

മലപ്പുറം: കരിപ്പൂർ വിമാനത്താവളം വഴി കടത്താൻ ശ്രമിച്ച 1.1 കോടി രൂപ വിലമതിക്കുന്ന സ്വർണവും എട്ട് ലക്ഷം രൂപയുടെ വിദേശ കറൻസിയും കസ്റ്റംസ് പിടികൂടി. താമരശേരി സ്വദേശി റാഷിക്, മലപഗ്പുറം സ്വദേശി മൂനീർ, വടകര സ്വദേശി സെർബീൽ എന്നിവരാണ് പിടിയിലായത്.

എയർ ഇന്ത്യ എക്‌സ്പ്രസ് വിമാനത്തിൽ ദോഹയിൽ നിന്നാണ് റാഷിക് കോഴിക്കോടെത്തിയത്. ഇയാളിൽ നിന്ന്് 1,066 ഗ്രാം സ്വർണമാണ് കണ്ടെടുത്തത്. സ്‌പൈസ് ജെറ്റ് വിമാനത്തിൽ ദുബായിൽ നിന്നാണ് മുനീറെത്തിയത്. ഇയാളിൽ നിന്ന് 1,078 ഗ്രാം സ്വർണ സംയുക്തമാണ് പിടികൂടിയത്. ഇരുവരും ക്യാപസ്യൂളാക്കിയാണ് സ്വർണം കടത്തിയത്.

ദുബായിലേക്ക് പോകാനെത്തിയതായിരുന്നു സെർബീൽ. ഇയാളിൽ നിന്ന് 2,585 ഒമാൻ റിയാലും 1,035 കുവൈത്തി ദിനാറുമാണ് കണ്ടെടുത്തത്. ബാഗിൽ ഒളിപ്പിച്ച നിലയിലാണ് ഇവ കണ്ടെടുത്തത്.