മാർച്ച് അവസാനം ആകാശത്ത് അത്യപൂർവ്വ കാഴ്ച; ഒരുമിച്ച് കാണാൻ കഴിയുന്നത് അഞ്ച് ​ഗ്രഹങ്ങളെ

മാർച്ച് അവസാനത്തിൽ ആകാശത്ത് അഞ്ച് ​ഗ്രഹങ്ങളെ ഒരുമിച്ച് കാണാൻ സാധിക്കും. മാർച്ച് 28-ന് ചൊവ്വ, ശുക്രൻ, ബുധൻ, വ്യാഴം, യുറാനസ് എന്നീ ഗ്രഹങ്ങളെ ഒരുമിച്ച് കാണാൻ കഴിയുന്ന അത്യപൂർവ്വ കാഴ്ചയ്‌ക്കാണ് ആകാശം സാക്ഷിയാകുന്നത്.

ബുധനേക്കാൾ പ്രകാശിച്ച് നിൽക്കുന്ന വ്യാഴത്തെ കാണപ്പെടുമെന്നാണ് അന്താരാഷ്‌ട്ര മാദ്ധ്യമങ്ങൾ റിപ്പോർട്ട് ചെയ്യുന്നത്. അഞ്ച് ഗ്രഹങ്ങളിൽ വച്ച് ഏറ്റവും പ്രകാശിച്ച് നിൽക്കുക ശുക്രനായിരിക്കും. മറ്റ് ഗ്രഹങ്ങളെയും കാണാൻ കഴിയുമെങ്കിലും താരതമ്യേന തിളക്കം കുറവായിരിക്കും. യുറാനസിനെ തിരിച്ചറിയാൻ പ്രയാസമാകുമെന്നും ഗവേഷകർ പറയുന്നു.

മാർച്ച് 1-ന് ശുക്രനുംവ്യാഴവും നേർ രേഖയിൽ എത്തിയതായിരുന്നു. ഫെബ്രുവരിയിൽ മുഴുവൻ ചന്ദ്രന്റെ നേർരേഖയിൽ വ്യാഴവും ശുക്രനും എത്തിയിരുന്നു. ഗ്രഹങ്ങൾ ഏകദേശം ഒരേ തലത്തിൽ സൂര്യനെ ചുറ്റുന്നത് കൊണ്ടാണ് ഇത് സംഭവിക്കുന്നത്.