ആർആർആർ ചിത്രത്തിന്റെ ഉഗ്രവിജയത്തിന് ശേഷം പുതിയ ചിത്രത്തിന് കെെകോർത്ത് ജൂനിയര്‍ എൻടിആർ. കൊരടാല ശിവയുടെ സംവിധാനത്തില്‍ ജൂനിയര്‍ എൻടിആര്‍ നായകനാകുന്ന സിനിമയിൽ ജാൻവി കപൂറാണ് നായിക. ഇന്നലെ ‘എൻടിആര്‍ 30’ എന്ന് പേരിട്ടിരിക്കുന്ന സിനിമയുടെ ചിത്രീകരണം തുടങ്ങി.
#NTR30 launched with a lot of hype and fanfare! @tarak9999 #JanhviKapoor #KoratalaSiva @anirudhofficial @prakashraaj #SabuCyril pic.twitter.com/dFI7FuOU1j
— Sreedhar Pillai (@sri50) March 23, 2023
ജൂനിയര്‍ എൻടിആറും ജാൻവി കപൂറും അടക്കമുള്ളവര്‍ പങ്കെടുത്ത പൂജാ ചടങ്ങോടെയാണ് ചിത്രീകരണത്തിന് തുടക്കമായത്. ‘എൻടിആര്‍ 30’നായി റെക്കോര്‍ഡ് പ്രതിഫലമായിരിക്കും ജാൻവി കപൂര്‍ വാങ്ങിക്കുകയെന്നാണ് റിപ്പോര്‍ട്ട്. ജൂനിയര്‍ എൻടിആറിന്റെയും ജാൻവിയുടെയും കഥാപാത്രങ്ങളെക്കുറിച്ച് വിവരങ്ങള്‍ പുറത്തുവിട്ടിട്ടില്ല.
കൊരടാല ശിവയും ജൂനിയര്‍ എൻടിആറും ഒന്നിക്കുമ്പോള്‍ ഹിറ്റില്‍ കുറഞ്ഞതൊന്നും പ്രതീക്ഷിക്കുന്നില്ലെന്നാണ് ആരാധകർ പറയുന്നത്. ‘എൻടിആര്‍ 30’ 2024 ഏപ്രില്‍ അഞ്ചിനാണ് റിലീസ് ചെയ്യുക. അനിരുദ്ധ് രവിചന്ദറാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. രത്‍നവേലുവാണ് ഛായാഗ്രാഹണം. സാബു സിറിലാണ് പ്രൊഡക്ഷൻ ഡിസൈൻ.
Comments