ലോക വനിതാ ബോക്സിംഗ് ചാമ്പ്യൻഷിപ്പിൽ ഇന്ത്യയ്ക്ക് സ്വർണം. നിതു ഘൻഘാസിന് അഉഭമാന നേട്ടം കരസ്ഥമാക്കിയത്. വനിതകളുടെ 48 കിലോ വിഭാഗത്തിൽ മംഗോളിയയുടെ ലുത്സൈഖാനെയാണ് തോൽപ്പിച്ചത്. 5-0 ത്തിന് തോൽപിച്ചാണ് നിതു കിരീടം സ്വന്തമാക്കിയത്.
ഓപ്പണിംഗ് റൗണ്ടിൽ ആദ്യ മൂന്ന് മിനിറ്റിൽ നിതു മേൽക്കൈ നിലനിർത്തി. എന്നാൽ രണ്ടാം റൗണ്ടിൽ മംഗോളിയൻ താരം തിരിച്ചടി നൽകിയെങ്കിലും മികച്ച തിരിച്ചുവരവാണ് താരം നടത്തിയത്. ടൂർണമെന്റിൽ ഇന്ത്യയുടെ ആദ്യത്തെ മെഡലാണിത്. കോമൺവെൽത്ത് ഗെയിംസിലെ സ്വർണ മെഡൽ ജേതാവാണ് നിതു ഘൻഘാസ്.
Nitu Ghanghas wins Gold Medal in finals of 48 Kg, beats Mangolian boxer Lutsaikhan by 5-0 at Women Boxing Championship. pic.twitter.com/w0hc4vuDBD
— ANI (@ANI) March 25, 2023
81 കിലോഗ്രാം വിഭാഗത്തിന്റെ ഫൈനൽ ശനിയാഴ്ച രാത്രി നടക്കും. സവീതി ബൂറാണ് കളിക്കളത്തിലിറങ്ങുക. ചൈനയുടെ വാങ് ലിനയാണ് എതിരാളി. സെമി ഫൈനലിൽ, ബൗട്ട് അവലോകനം ചെയ്തതിന് ശേഷം പോയിന്റ് നിലയിൽ ഓസ്ട്രേലിയയുടെ എമ്മ-സ്യൂ ഗ്രീൻട്രീയെ 4-3 എന്ന സ്കോറിന് തോൽപ്പിച്ച് സാവീതി മികച്ച പ്രകടനമാണ് നടത്തിയത്.
