സീലിംഗ് ഫാൻ ഉപയോഗിച്ച് ഐസ്‌ക്രീം!!! തരംഗമായി പെൺ ബുദ്ധി; അതിശയിപ്പിക്കുന്ന വീഡിയോ പങ്കുവെച്ച് ആനന്ദ് മഹീന്ദ്ര; ഏറ്റെടുത്ത് സമൂഹമാദ്ധ്യമങ്ങൾ

പാലും പഞ്ചസാരയുമൊക്കെ ഉപയോഗിച്ച് ഐസ്‌ക്രീം ഉണ്ടാക്കുന്നത് സ്ഥിരമാണ്. എന്നാൽ സീലിംഗ് ഫാൻ ഉപയോഗിച്ചുള്ള ഐസ്‌ക്രീം ആർക്കും അത്ര പരിചിതമായിരിക്കില്ല! സമൂഹമാദ്ധ്യമങ്ങളിൽ തരംഗമാകുന്നത് ഒരു മേയ്‌ക്കിംഗ് വീഡിയോയാണ്. അതെ, സീലിംഗ് ഫാനുപയോഗിച്ച് ഐസ്‌ക്രീം ഉണ്ടാക്കുന്നതാണ് വീഡിയോ. ആരെയും അതിശയിപ്പിക്കുന്ന വീഡിയോ പങ്കുവെച്ചിരിക്കുന്നത് മറ്റാരുമല്ല; ആനന്ദ് മഹീന്ദ്രയാണ്. ‘ആഗ്രഹമെവിടെയുണ്ടോ അവിടെ ഒരു മാർഗ്ഗവുമുണ്ട്, ഹാൻഡ് മെയ്ഡ് ആന്റ് ഫാൻ മെയ്ഡ്’ എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്.

ആദ്യം ഐസ്‌ക്രീമിന് വേണ്ടിയുള്ള കൂട്ട് വലിയ പാത്രത്തിൽ തയ്യാറാക്കുകയാണ്. അടുപ്പിലാണ് ഇത് ചെയ്യുന്നത്. തുടർന്ന് ഇത് സിലിണ്ടർ ആകൃതിയിലുള്ള പാത്രത്തിലേക്ക് മാറ്റി ഈ പാത്രം വലിയൊരു കണ്ടെയ്‌നറിൽ വെയ്‌ക്കുന്നു. അകത്തുള്ള പാത്രത്തിന് ചുറ്റും ഐസ് കട്ടകൾ വിതറുന്നു. ശേഷം സീലിംഗ് ഫാനുമായി ബന്ധിപ്പിച്ച പത്രത്തിലേക്ക് ഐസ്‌ക്രീം കൂട്ട് നിറച്ച പാത്രത്തിന്റെ പിടിയിൽ കയർ കെട്ടി ബന്ധിപ്പിക്കുന്നു. പിന്നാലെ ഫാൻ ഓൺ ചെയ്യുന്നു.

ഇതോടെ ഫാൻ കറങ്ങുന്നതിന് അനുസൃതമായി ഐസ്‌ക്രീം കൂട്ട് വച്ച പാത്രവും കറങ്ങുകയാണ്. വേഗതയിൽ കറങ്ങി കുറച്ച് സമയം കഴിയുമ്പോഴേക്കും ഇത് ഐസ്‌ക്രീമിന്റെ പാകത്തിലേക്ക് എത്തുന്നു. ഏറ്റവുമൊടുവിൽ ‘നാച്വറൽ’ ആയി തയ്യാറാക്കിയ ഐസ്‌ക്രീം ഒരു ബൗളിൽ സർവ് ചെയ്യുന്നതും വീഡിയോയിൽ കാണിക്കുന്നുണ്ട്.

Where there’s a will, there’s a way.
Hand-made & Fan-made ice cream. Only in India… pic.twitter.com/NhZd3Fu2NX

— anand mahindra (@anandmahindra) March 29, 2023

വീഡിയോ പങ്കുവെച്ച് മണിക്കൂറുകൾക്കുള്ളിൽ ഒരു ദശലക്ഷത്തിലധികം പേരാണ് കണ്ടത്. നിരവധി പേരാണ് ഈ പെൺബുദ്ധിയ്‌ക്ക് അഭിനന്ദനവുമായെത്തിയിരിക്കുന്നത്. മഹത്തായ ശ്രമങ്ങളെന്നും മികച്ച ആശയമെന്നുമൊക്കെ ഉപയോക്താക്കൾ കമന്റ് ചെയ്യുന്നുണ്ട്.