ചെന്നൈ: ഡിഎംകെ ഫയൽസ് ഏപ്രിൽ 14ന് എന്ന് ഓർമ്മിപ്പിച്ച് ട്രയിലർ പുറത്തിറക്കിയിരിക്കുകയാണ് ബിജെപി തമിഴ്നാട് സംസ്ഥാന അദ്ധ്യക്ഷൻ കെ. അണ്ണാമലൈ. മുൻ സർക്കാരുകളുടെയും നേതാക്കന്മാരുടെയും അഴിമതിയുടെയും ബിനാമി ഇടപാടുകളുടെയും രേഖകളാണ് ഡിഎംകെ ഫയൽസ്. ഇത് സംബന്ധിച്ചുള്ള രേഖകൾ ഏപ്രിൽ 14ന് പുറത്തുവിടുമെന്നാണ് അണ്ണാമലൈ പ്രഖ്യാപിച്ചത്. ഭരണഘടന ശില്പി ഡോ ഭീംറാവു അംബേദ്കറുടെ ജന്മദിനവും തമിഴ് പുതുവർഷാരംഭവുമാണ് ഏപ്രിൽ 14. ഡിഎംകെ ഇത്രനാളും തമിഴ്നാട്ടിൽ നടത്തിയിട്ടുള്ള അഴിമതിയുടെ യഥാർത്ഥ ചിത്രം ഡിഎംകെ ഫയൽസിലൂടെ അനാവരണം ചെയ്യപ്പെടുമെന്നാണ് കരുതുന്നത്. ഇത് തമിഴ് രാഷ്ട്രിയത്തിൽ വലിയ കോളിളക്കമാണ് ഉണ്ടാക്കിയിരിക്കുന്നത്.
തമിഴ്നാട് ബിജെപി അദ്ധ്യക്ഷൻ അണ്ണാമലൈ സമൂഹമാദ്ധ്യമങ്ങളിൽ പങ്കുവെച്ച വീഡിയോയിൽ കരുണാനിധി മുതലുള്ള നേതാക്കന്മാരുടെ ചിത്രങ്ങളാണുള്ളത്. മുൻ മുഖ്യമന്ത്രി കരുണാനിധി, മുഖ്യമന്ത്രി എംകെ സ്റ്റാലിൻ, ദുർഗ സ്റ്റാലിൻ, കനിമൊഴി എംപി, ഉദയനിധി സ്റ്റാലിൻ, എംകെ സ്റ്റാലിന്റെ മകൾ സെന്താമരൈ, ഭർത്താവ് ശബരീശൻ, എംകെ അഴഗിരി, ദയാനിധി അഴഗിരി, മാരൻ സഹോദരന്മാർ എന്നിവരുടെ ചിത്രങ്ങളാണ് പത്ത് സെക്കൻഡ് ദൈർഘ്യമുള്ള വീഡിയോയിലുള്ളത്.
DMK Files
April 14th, 2023 – 10:15 am pic.twitter.com/4Hlvq4l2G0
— K.Annamalai (@annamalai_k) April 13, 2023
Comments