ജയ്പൂർ: പാകിസ്താനിൽ നിന്ന് ഡ്രോൺ ഉപയോഗിച്ച് രാജസ്ഥാനിലേക്ക് കടത്താൻ ശ്രമിച്ച ഹെറോയിൻ പോലീസ് പിടികൂടി. 70കോടി വിലമതിയ്ക്കുന്ന മയക്കുമരുന്ന് രാജസ്ഥാനിലെ ശ്രീഗംഗാനഗർ ജില്ലയിൽ നിന്നാണ് പോലീസ് പിടികൂടിയത്. സംഭവവുമായി ബന്ധപ്പെട്ട് മൂന്ന് പേരെ അനുപ്ഗഡ്- റായ്സിംഗ് നഗർ ദേശീയപാതയ്ക്ക് സമീപത്ത് നിന്നും അറസ്റ്റ് ചെയ്തു.
മയക്കുമരുന്നുമായി ബൈക്കിലെത്തിയ മൂന്ന് പേരാണ് പിടിയിലായതെന്നും ഇവരുടെ പക്കലിൽ നിന്നും 70കോടി വിലയുള്ള ഹെറോയിനാണ് പിടികൂടിയതെന്നും എഎസ്പി ബൻവാരി ലാൽ പറഞ്ഞു. സംഘത്തെ പഞ്ചാബിലേക്ക് കടക്കാൻ ശ്രമിക്കുന്നതിന് മുൻപ് പിടികൂടാൻ സാധിച്ചതായും അദ്ദേഹം പറഞ്ഞു.
ജനുവരിയിൽ രാജസ്ഥാനിലെ ശ്രീഗംഗാനഗർ സെക്ടർ അതിർത്തിയ്ക്ക് സമീപം മയക്കുമരുന്ന് കണ്ടെത്തിയിട്ടുണ്ടായിരുന്നു. പാകിസ്താനിൽ നിന്നെത്തിയ ഡ്രോൺ വെടിവച്ച് വീഴ്ത്തിയാണ് 6 കിലോഗ്രാം മയക്കുമരുന്ന് അതിർത്തി സുരക്ഷാസേന പിടികൂടിയത്. രാജസ്ഥാൻ പോലീസുമായുള്ള സംയുക്ത സഹകരണത്തോടെയാണ് അതിർത്തി സുരക്ഷാസേന മയക്കുമരുന്ന് വേട്ട തടഞ്ഞത്.
