ഹിന്ദു ദേവൻമാരുടെ വിഗ്രഹത്തിന് മുന്നിൽ നിന്ന് ചിത്രമെടുത്ത പാക് നടിക്കെതിരെ അപകീർത്തികരമായ പരാമർശവുമായി സമൂഹമാദ്ധ്യമങ്ങൾ. ഗണേശ വിഗ്രഹത്തിന് മുന്നിൽ നിന്ന് ചിത്രമെടുത്ത നടി ഹാനിയ അമീറിനെതിരായാണ് പാക് സമൂഹ മാദ്ധ്യമങ്ങൾ തിരിഞ്ഞത്. പാകിസ്താനിലെ പ്രശസ്തമായ ടെലിവിഷൻ പരമ്പരയായ മുജേ പ്യാർ ഹുവാതാ യിലെ പ്രധാന കഥാപാത്രത്തെ ഹാനിയ അമീർ അവതരിപ്പിക്കുന്നുണ്ട്. എന്നാൽ ചിത്രം പോസ്റ്റ് ചെയ്തതിന് ശേഷം നടി തീവ്ര ഇസ്ലാമിസ്റ്റുകളുടെ കണ്ണിലെ കരടയിമാറിയത്.
ഹിന്ദു ദേവൻമാരുടെ വിഗ്രങ്ങൾക്ക് മുന്നിൽ നിന്ന് ഫോട്ടോ പകർത്തുന്നത് ഇസ്ലാമിന് വിരുദ്ധമാണ്. മുസ്ലീങ്ങളെ അപമാനിക്കുന്നതിന് തുല്യമാണ്. ഇത് ഇന്ത്യൻ ആരാധകരെ തൃപ്തിപ്പെടുത്താനാണ്. ഇവൾ പാകിസ്താനിൽ ജീവിക്കാൻ യോഗ്യയല്ല. തുടങ്ങി നിരവധി കമന്റുകളാണ് സമൂഹ മാദ്ധ്യമങ്ങളിൽ നിറയുന്നത്. ബഹുദൈവ വിശ്വാസത്തിന്റെ ഭാഗമാണ് നടിയുടെ പ്രവർത്തി, അതായത് ഷിർക്ക് എന്നാണ് വിളിക്കേണ്ടത്. തുടങ്ങി വിവിധ കമന്റുകളാണ് നിറയുന്നത്. അളളാഹു ഇവർക്ക് ബുദ്ധി നൽകട്ടെ. ഫോട്ടോയിൽ ഹിജാബ് ധരിക്കാത്തതിനെതിരേയും കമന്റുകൾ നിറയുന്നുണ്ട്. ഇവൾ മുസ്ലീം തന്നെയാണോ എന്ന സംശയവും പങ്കുവെക്കുന്നുണ്ട്.
മതവികാരം വ്രണപ്പെടുത്തി തുടങ്ങി കടുത്ത ആരോപണങ്ങളാണ് നടിക്കെതിരെ നിലനിൽക്കുന്നത്. കമ്പോഡിയയിൽ അവധിക്കാലം ചെലവഴിക്കുന്ന തിരക്കിലാണ് നടി. അവിടെ നിന്ന് പകർത്തിയ ചിത്രങ്ങൾക്ക് താഴെയാണ് വിദേഷ്വം നിറയുന്നത്. ഹിന്ദു വിശ്വാസങ്ങളുടെ ഭാഗമായുള്ള ആചാരങ്ങളിൽ പങ്കുകൊണ്ടതിന് നിരവധി താരങ്ങൾക്ക് മുൻപും വിമർശനം ഏറ്റുവാങ്ങേണ്ടി വന്നിട്ടുണ്ട്.
Comments