ഏറ് പടക്കം നിർമ്മിച്ച് റീൽസ് എടുത്ത് സമൂഹമാദ്ധ്യമങ്ങളിൽ പ്രചരിപ്പിച്ചു; വിദ്യാർത്ഥി പിടിയിൽ

കണ്ണൂർ: ഏറ് പടക്കം ഉണ്ടാക്കി സ്‌പോടനം നടത്തി റീൽസ് എടുത്ത് പ്രചരിപ്പിച്ച കോളേജ് വിദ്യാർത്ഥി അറസ്റ്റിൽ. നാല് വിദ്യാർത്ഥികൾ ചേർന്നാണ് പടക്കം നിർമ്മിച്ചത്. ഈ സംഘത്തിലെ മൂന്നുപേർക്കുള്ള അന്വേഷണം ആരംഭിച്ചു.

വിദ്യാർത്ഥി പടക്കം ഉണ്ടാക്കിയതിന്റെ വീഡിയോയും റീൽസിൽ പകർത്തിയിട്ടുണ്ട്. ബോംബ് നിർമ്മിക്കുന്ന രീതിയിലാണ് ഇവർ പടക്കം നിർമ്മിച്ചിരിക്കുന്നത്.

ധർമ്മടം പോലീസാണ് വിദ്യാർത്ഥികളെ അറസ്റ്റ് ചെയ്തത്. പടക്കത്തിൽ ഉപയോഗിക്കുന്ന വെടിമരുന്നാണ് ഉപയോഗിച്ചതെന്ന് വിദ്യാർഥികൾ പോലീസിനോട് പറഞ്ഞു. സ്ഫോടനം നടത്തി റീൽ വീഡിയോ ആക്കി സമൂഹമാദ്ധ്യമങ്ങളിൽ പ്രചരിപ്പിക്കുകയായിരുന്നു ഇവർ.