ഇടുക്കി: വനവാസി യുവാവിന് എഎസ്ഐയുടെ മർദ്ദനമേറ്റതായി പരാതി. ഇടുക്കി കട്ടപ്പന പോലീസ് സ്റ്റേഷനിലെ എഎസ്ഐയ്ക്കെതിരെയാണ് പരാതി ഉയരുന്നത്. പുന്നപ്പാടിയിൽ അജേഷ് കുമാറാണ് എസ്എസ്ഐ സുരേഷ് കുമാറിനെതിരെ പരാതിയുമായി രംഗത്തെത്തിയത്. സംഭവത്തിൽ അജേഷ് കുമാർ ജില്ലാ പോലീസ് മേധാവിയ്ക്ക് പരാതി നൽകിയിട്ടുണ്ട്.
അജേഷ്കുമാറിന്റെ വീട്ടിലെ നായയെ അയൽവാസികൾ വെട്ടിയതുമായി ബന്ധപ്പെട്ട പരാതി അന്വേഷിക്കാൻ എഎസ്ഐ സുരേഷ് കുമാറിന്റെ നേതൃത്വത്തിൽ പോലീസ് സംഘം വീട്ടിലെത്തിയിരുന്നു. കേസ് അന്വേഷിക്കാൻ എത്തിയ വേളയിൽ എഎസ്ഐ മദ്യപിച്ചിരുന്നതായും പരാതിയിൽ പറയുന്നു. ശസ്ത്രക്രിയ ചെയ്തിരുന്ന കൈയ്ക്കും മർദ്ദനമേറ്റതായി അജേഷ് പറയുന്നു. അമ്മയെയും ഭാര്യയെയും അസഭ്യം പറഞ്ഞ് കടന്നാക്രമിച്ചു. മർദ്ദന വിവരം പുറത്ത് പറഞ്ഞാൽ കള്ളക്കേസിൽ കുടുക്കുമെന്നും പോലീസ് പറഞ്ഞതായി പരാതിയിൽ പറയുന്നു.
Comments