ന്യൂഡൽഹി : പ്രതിമാസ റേഡിയോ പരിപാടിയായ മൻ കി ബാത്തിന്റെ 100-ാം എപ്പിസോഡ് പൂർത്തീകരിച്ചതിന്റെ ഭാഗമായി ബിജെപിയിലെ പ്രമുഖ നേതാക്കൾ പ്രധാനമന്ത്രിയെ അഭിനന്ദിച്ചു. രാജ്യത്തിന്റെ വിവിധ സ്ഥലങ്ങളിൽ നിന്ന് കേന്ദ്ര മന്ത്രിമാരുൾപ്പെടെയാണ് പ്രധാനമന്ത്രി നരേന്ദ്രമോദിയുടെ പ്രസംഗം ശ്രവിച്ചത്.
പ്രധാനമന്ത്രി നരേന്ദ്രമോദി മൻ കി ബാത്തിന്റെ റേഡിയോ പ്രക്ഷേപണത്തിൽ രാജ്യത്തിന്റെ മുക്കിലും മൂലയിലും സന്ദേശങ്ങൾ സൃഷ്ടിക്കുന്നുവെന്ന് അമിത് ഷാ അവകാശപ്പെട്ടു.
രാജ്യത്തിന്റെ എല്ലാ കോണുകളിലും ജനങ്ങൾക്കും സർക്കാരിനുമിടയിൽ പാലങ്ങൾ നിർമ്മിക്കുന്നുവെന്ന് അമിത് ഷാ പറഞ്ഞു. വിവിധ ഭാഷകളിലൂടെ സാമൂഹിക ജനാധിപത്യത്തെ ശക്തിപ്പെടുത്തുന്നതായി അമിത് ഷാ ട്വീറ്റ് ചെയ്തു.
ഇംഗ്ലണ്ടിൽ ഇത്രിയും വലിയ ജനപങ്കാളിത്തം തങ്ങൾ പ്രതീക്ഷിച്ചിരുന്നില്ലെന്നും രാജ്യത്തിലുടനീളമുള്ള മുഴുവൻ പ്രവാസികളും ഇന്ത്യാ ഹൗസിൽ മൻ കി ബാത്തിന്റെ നൂറാം എപ്പിസോഡ് ശ്രവിച്ചതായും കേന്ദ്ര മന്ത്രി ജിതേന്ദ്ര സിംഗ് പറഞ്ഞു. ജനങ്ങൾക്ക് പ്രധാനമന്ത്രിയോടുള്ള വിശ്വാസത്തിന്റെ സൂചന കൂടിയാണിതെന്നും അദ്ദേഹം വ്യക്തമാക്കി. മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ പരിപാടിയെ ജനകീയ വിപ്ലവം എന്ന് വിശേഷിപ്പിച്ചിരുന്നു. പരിപാടിക്ക് ശേഷം പ്രതിരോധ മന്ത്രി രാജ് നാഥ് സിംഗ് പ്രധാനമന്ത്രിയെ അഭിനന്ദിക്കുകയും ചെയ്തു.
2014 ഒക്ടോബർ 3-നാണ് മൻ കി ബാത്ത് പ്രക്ഷേപണം ആരംഭിച്ചത്. മൻ കി ബാത്തിന്റെ നൂറാം എപ്പിസോഡ് ന്യൂയോർക്കിലെ ഐക്യരാഷ്‌ട്ര സഭാ ആസ്ഥാനത്തും തത്സമയം സംപ്രേക്ഷണം ചെയ്തു.
Comments