എറണാകുളം: മാരത്തൺ ഓടാൻ വസ്ത്രം ഒരു തടസ്സമല്ലെന്ന് തെളിയിച്ചിരിക്കുകയാണ് പത്മിനി നായർ. കാസർകോഡ് കോളിയടുക്കം സ്വദേശിനിയായ പത്മിനി സാരി ധരിച്ചാണ് ഫെഡറൽ ബാങ്ക് കൊച്ചി മാരത്തണിലെ 3 കിമീ ഗ്രീൻ റൺ ഓടിയത്. 2020 മുംബൈ മാരത്തണിലും സാരി ധരിച്ചാണ് ഈ വീട്ടമ്മ പങ്കെടുത്തത്.
മാലിന്യമുക്തവും സുരക്ഷിതവുമായ കേരളം എന്ന സ്വപ്നം യാഥാർഥ്യമാകണം. അത് മാത്രമാണ് ലക്ഷ്യം. ഈ മാരത്തണിൽ പങ്കെടുക്കാൻ മാത്രമായാണ് കൊച്ചിയിൽ എത്തിയതെന്നും അവർ അവർ കൂട്ടിച്ചേർത്തു.
മൂന്ന് കിലോമീറ്റർ മാരത്തൺ വിജയകരമായി പൂർത്തിയാക്കി മെഡലുമായി നിൽക്കുമ്പോൾ സ്വപ്നങ്ങൾ യാഥാർഥ്യമാക്കാൻ വസ്ത്രധാരണ രീതി ഒരു തടസമല്ലെന്ന് പറയാതെ പറയുകയാണ് പത്മിനി നായർ.
Comments