ബെംഗളൂരു: കർണാടകയിൽ നിയമസഭാ തിരഞ്ഞെടുപ്പിന് വോട്ടുചെയ്യാനെത്തിയ യുവതി പോളിംഗ് ബൂത്തിൽ പ്രസവിച്ചു. ബല്ലാരിയിലെ കുർളഗിന്ദി ഗ്രാമത്തിലാണ് സംഭവം നടന്നത്. വോട്ട് ചെയ്യാനെത്തിയപ്പോൾ 23-കാരിയായ യുവതിക്ക് അപ്രതീക്ഷിതമായി പ്രസവ വേദനയുണ്ടാവുകയും പോളിംഗ് ബൂത്തിനകത്ത് പ്രസവിക്കുകയുമായിരുന്നു.
ആൺകുഞ്ഞിനാണ് യുവതി ജന്മം നൽകിയത്. വോട്ട് ചെയ്യാനെത്തിയ സ്ത്രീകളും പോളിംഗ് ബൂത്തിലെ വനിതാ ഉദ്യോഗസ്ഥരും ചേർന്ന് യുവതിയെ റൂമിലേക്ക് മാറ്റുകയും പ്രസവ ശുശ്രൂഷ നൽകുകയുമായിരുന്നു. പ്രസവത്തിന് തൊട്ടുപിന്നാലെ അമ്മയെയും കുഞ്ഞിനെയും സമീപത്തുള്ള പ്രാഥമികാരോഗ്യ കേന്ദ്രത്തിലെത്തിച്ചു. അമ്മയും കുഞ്ഞും ആരോഗ്യത്തോടെ ഇരിക്കുന്നതായി ഡോക്ടർമാർ അറിയിച്ചു.
Comments