മിക്ക പഴങ്ങളും സ്വാഭാവികമായും നല്ല മധുരമുള്ളവയാണ്. മാമ്പഴത്തിന് ചെറിയ പുളിയുമുണ്ട്. ഇത്തരം പഴങ്ങളിൽ കുറച്ച് ഉപ്പും കുരുമുളകും ചാട്ട് മസാലയുമെല്ലാം വിതറി കഴിക്കുന്നത് പലർക്കും ഒരു രസമാണ്. കൂടുതൽ രുചി ലഭിക്കുന്നു എന്നത് തന്നെയാണ് കാരണം. ചില പഴങ്ങളിൽ ഉപ്പും കുരുമുളകും വിതറി കഴിക്കുന്നത് നല്ലതാണെന്ന് ഡോക്ടർമാരും പറയുന്നുണ്ട്. എന്നാൽ, എല്ലാ പഴങ്ങളിലും അങ്ങനെയല്ല. ചാട്ട് മസാല പോലുള്ളവ പഴങ്ങളിൽ വിതറുമ്പോൾ അതവയുടെ നീരിലുള്ള സ്വാഭാവിക പോഷകങ്ങൾ നഷ്ടമാക്കുന്നുണ്ട്. മാത്രമല്ല, ഉപ്പിലും ചാട്ട് മസാലയിലും അടങ്ങിയിരിക്കുന്ന സോഡിയം നമ്മുടെ ആരോഗ്യത്തെ ദോഷകരമായി ബാധിക്കുകയും ചെയ്യും.
പഴങ്ങളിൽ ബാക്ടീരിയകൾ അടിഞ്ഞുകൂടാറുണ്ട്. ഇവയെ കൊല്ലാൻ ഉപ്പ് സഹായിക്കുകയും ചെയ്യും. എന്നാൽ എല്ലാത്തരം പഴങ്ങളിലും ഉപ്പ് വിതറി കഴിക്കുന്നത് നല്ലതല്ല. പ്രത്യേകിച്ച് പ്രമേഹമുള്ളവർ ഉപ്പ് തളിച്ച് കഴിക്കരുത്. ഉപ്പ് അധികം തളിച്ചാൽ ബിപി, ഹൃദ്രോഗം, വൃക്കരോഗങ്ങൾ എന്നിവയ്‌ക്ക് കാരണമാകും. ഉയർന്ന അസിഡിറ്റി ഉള്ള സിട്രസ് പഴങ്ങൾ (അംല, പുളിച്ച മാങ്ങ, ഓറഞ്ച്) ഉപ്പ് വിതറി കഴിക്കുന്നത് വയറ്റിലെ ആസിഡിനെ തടയും. പേരയ്‌ക്ക ഉപ്പ് ചേർത്ത് കഴിക്കുന്നത് പല്ലിന് നല്ലതാണ്. വായിലെ ബാക്ടീരിയകൾ മരിക്കുന്നു.
അതേസമയം, പഴങ്ങൾക്കൊപ്പം ഉപ്പും ചാട്ട് മസാലയും പഞ്ചസാരയുമൊന്നും ചേർത്ത് കഴിക്കണമെന്നില്ല. കൂടുതൽ പഞ്ചസാര ചേർക്കുന്നത് നിങ്ങളുടെ കലോറി വർദ്ധിപ്പിക്കും, ഇത് ശരീരഭാരം കൂടാൻ കാരണമാകും. പഴങ്ങളിൽ ഉപ്പോ മസാലയോ വിതറുന്നത് തൽക്ഷണം അവയെ കൂടുതൽ ലഘുഭക്ഷണം പോലെയാക്കും. ഇത് പഴത്തിൽ നിന്ന് ആവശ്യമായ വിറ്റാമിനുകളും ധാതുക്കളും നഷ്ടമാകുന്നതിന് കാരണമാകും. പഴങ്ങളിൽ മസാല ചേർത്ത് കഴിക്കുന്നത് പലപ്പോഴും വയറിളക്കത്തിനും കാരണമാകാറുണ്ട്. വേനൽക്കാലത്ത് പഴങ്ങളിൽ ഏലക്കയും കുരുമുളകും, മഞ്ഞുകാലത്ത് കറുവപ്പട്ടയും ഗ്രാമ്പൂ പൊടിയും വിതറി കഴിക്കുന്നതാണ് ഉചിതം.
