വരുന്ന അഞ്ച് വർഷക്കാലം ചൂടേറിയ കാലമായിരിക്കുമെന്ന് ഐക്യരാഷ്ട്ര സംഘടനയുടെ മുന്നറിയിപ്പ്. 2023 മുതൽ 2027 വരെയുള്ള വർഷങ്ങളിലാകും ആഗോള താപനില ഉയരുക. ഹരിതഗൃഹ വാതകങ്ങളും എൽ നിനോയും സംയോജിക്കുന്നതാണ് താപനില ഉയരാൻ കാരണം.
നേരത്തെ ആഗോള താപനം സംബന്ധിച്ച് പാരീസ് ഉടമ്പടിയിൽ പ്രഖ്യാപിച്ചിരുന്നതിനേക്കാൾ കൂടുതൽ ചൂട് വരും വർഷങ്ങളിൽ അനുഭവപ്പെടാൻ സാധ്യത കൂടുതലാണെന്ന് യുഎന്നിന് കീഴിലുള്ള ലോക കാലാവസ്ഥ പഠന കേന്ദ്രം വ്യക്തമാക്കി. 1.5 ഡിഗ്രി സെൽഷ്യസ് വരെ പ്രതിവർഷം ഉയരാനാണ് സാധ്യത.
2015-നും 2022-നും ഇടയിലായിരുന്നു ഇതുവരെ രേഖപ്പെടുത്തിയിട്ടുള്ളതിൽ വെച്ച് ഏറ്റവും ചൂടേറിയ എട്ട് വർഷങ്ങൾ. അതിനേക്കാളും ഉയർന്ന താപനിലയായിരിക്കും അടുത്ത അഞ്ച് വർഷക്കാലയളവിൽ അനുഭവപ്പെടുക. 2023 മുതൽ 2027 വരെയുള്ള കാലയളവ് മുഴുവനായോ അല്ലെങ്കിൽ പ്രത്യേകിച്ച് ഏതെങ്കിലും ഒരു വർഷം മാത്രമായോ ആകും ചൂട് വർദ്ധിക്കുകയെന്ന് ഡബ്ല്യൂഎംഒ അറിയിച്ചു. 1.5 ഡിഗ്രി സെൽഷ്യസിന് മുകളിലായിരിക്കാൻ 66 സതമാനം സാധ്യതയാണ് ഗവേഷകർ പറയുന്നത്. എന്നാൽ ആഗോള തലത്തിൽ ഈ താപനില തുടരാൻ സാധ്യതയില്ലെന്നും ഡബ്ല്യുഎംഒ വ്യക്തമാക്കി.
Comments