ഉത്തരാഖണ്ഡിലെ ആദ്യ വന്ദേഭാരത് എക്‌സ്പ്രസ് പ്രധാനമന്ത്രി നാളെ ഫ്‌ളാഗ് ഓഫ് ചെയ്യും

ഡെറാഡൂൺ: ഉത്തരാഖണ്ഡിലെ ആദ്യ വന്ദേഭാരത് എക്‌സ്പ്രസ് പ്രധാനമന്ത്രി നരേന്ദ്രമോദി നാളെ ഫ്‌ളാഗ് ഓഫ് ചെയ്യും. വീഡിയോ കോൺഫറസിംഗിലൂടെയാണ് പ്രധാനമന്ത്രി ഈ സർവീസ് ഫ്‌ളാഗ് ഓഫ് ചെയ്യുന്നത്. ഡെറാഡൂണിനും ന്യൂഡൽഹിക്കും ഇടയിലാണ് വന്ദേഭാരത് സർവീസ് നടത്തുന്നതെന്ന് റെയിൽവേ അധികൃതർ അറിയിച്ചു.

മുഖ്യമന്ത്രി പുഷ്‌കർ സിംഗ് ധാമിയുടെ സാന്നിധ്യത്തിലായിരിക്കും വന്ദേഭാരത് എക്സ്പ്രസിന്റെ ഉദ്ഘാടന ചടങ്ങ് നടക്കുന്നത്. മെയ് 18-ന് പുരിക്കും ഹൗറയ്‌ക്കും ഇടയിലുള്ള വന്ദേഭാരത് എക്‌സ്പ്രസ് വീഡിയോ കോൺഫറൻസിംഗിലൂടെ പ്രധാനമന്ത്രി ഫ്‌ലാഗ് ഓഫ് ചെയ്തു. അത്യാധുനിക സെമി-ഹൈ സ്പീഡ് ട്രെയിനിൽ നിരവധി ആധുനിക പാസഞ്ചർ സൗകര്യങ്ങൾ സജ്ജീകരിച്ചിട്ടുണ്ട്.

ഈ വർഷം ജൂൺ മാസത്തോടെ എല്ലാ സംസ്ഥാനങ്ങളിലും വന്ദേഭാരത് എക്‌സ്പ്രസ് എത്തണമെന്നാണ് പ്രധാനമന്ത്രി ലക്ഷ്യമിടുന്നതെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ് പറഞ്ഞു. 100 കിലോ മീറ്ററിൽ താഴെയായി ജനങ്ങൾക്ക് കൂടുതൽ സൗകര്യപ്രദമായാണ് വന്ദേഭാരതിന്റെ മെട്രോ രൂപകൽപ്പന ചെയ്തിരിക്കുന്നത്.