മുഖ്യമന്ത്രി പിണാറായി വിജയൻ ജൈവബുദ്ധിജീവിയാണെന്നും മതനിരപേക്ഷ രാഷ്ട്രീയത്തിലെ യുഗപുരുഷനാണെന്നും ഉന്നത വിദ്യാഭ്യാസ വകുപ്പ് മന്ത്രി ആർ. ബിന്ദു. പിണറായി വിജയന് പിറന്നാളാശംസകൾ അറിയിച്ചുകൊണ്ട് മന്ത്രി ഫോസ്ബുക്കിൽ പങ്കുവെച്ച പോസ്റ്റിലാണ് ഈ വിശേഷണങ്ങളുള്ളത്. കേരളം കണ്ട ജൈവ ബുദ്ധിജീവിയായ ഭരണനായകന് 78 വയസ് എന്നും മതനിരപേക്ഷ രാഷ്ട്രീയത്തിലെ യുഗപുരുഷന് അരുണാഭിവാദനം എന്നുമാണ് ആർ. ബിന്ദുവന്റെ ഫേസ്ബുക്ക് പോസ്റ്റിൽ പറയുന്നത്.
എന്നാൽ സമൂഹമാദ്ധ്യമത്തിലെ പോസ്റ്റിന് പിന്നാലെ കമന്റ്‌ബോക്‌സ് ട്രോളുകൾ കൊണ്ട് നിറയുകയാണ്. ‘ജൈവബുദ്ധിജീവിയോ അതെന്ത് സാധനം’ എന്നാണ് പലരുടെയും ചോദ്യം. ‘മലയാള സാഹ്യത്യത്തിലേയ്‌ക്ക് രണ്ട് മൊഴിമുത്തുകൾ കൂടി ലഭിച്ചു’ എന്നാണ് ഒരാളുടെ കമന്റ്. ചിലർ ജൈവ ബുദ്ധിജീവി എന്ന വാക്കിന്റെ അർത്ഥം കണ്ടുപിടിക്കാനുള്ള ശ്രമത്തിലാണ്. നിർമ്മിത ബുദ്ധിയല്ല എന്നതാണ് മന്ത്രി ഉദ്ദേശിക്കുന്നത് എന്ന വാദവുമായി ചിലർ രംഗത്ത് വന്നു. ‘എന്ത് തന്നെയായാലും ഇന്നും മുഖ്യൻ എയറിലാണ്’ എന്നാണ് ചിലർ പറയുന്നത്. ‘കാരണഭൂതം, കപ്പിത്താൻ തുടങ്ങിയ വിശേഷണങ്ങൾക്ക് പിന്നാലെ പുതിയ പേര്’ ലഭിച്ചു എന്നും ചിലർ പറഞ്ഞു.
Comments