അഗർത്തല : ത്രിപുര ടൂറിസത്തിന്റെ ബ്രാൻഡ് അംബാസഡറായി മുൻ ഇന്ത്യൻ ക്രിക്കറ്റ് താരം സൗരവ് ഗാംഗുലിയെ നിയമിച്ചു. ലോകമെമ്പാടുമുള്ള ജനങ്ങൾക്ക് സൗരവ് ഗാംഗുലിയെ അറിയാമെന്നും ഇത് വിനോദ സഞ്ചാര മേഖലയക്ക് കൂടുതൽ ഉത്തേജനം നൽകുമെന്നും ത്രിപുര മുഖ്യമന്ത്രി മണിക് സാഹ പറഞ്ഞു. കഴിഞ്ഞ ദിവസമാണ് സൗരവ് ഗാംഗുലിയെ ത്രിപുര ടൂറിസത്തിന്റെ ബ്രാൻഡ് അംബാസഡറായി തിരഞ്ഞെടുത്തത്.
വിനോദസഞ്ചാരികൾ സന്ദർശിക്കേണ്ട നിരവധി സ്ഥലങ്ങൾ ത്രിപുരയിലുണ്ടെന്നും മുഖ്യമന്ത്രി മണിക് സാഹ പറഞ്ഞു. മുഖ്യമന്ത്രി ഗാംഗുലിയുമായി ഫോണിൽ സംസാരിച്ചിരുന്നു. തുടർന്ന് ബ്രാൻഡ് അംബസഡറാകാനുള്ള നിർദ്ദേശം സ്വീകരിക്കുകയും ചെയ്തതായി മണിക് സാഹ അറിയിച്ചു.
വിനോദ സഞ്ചാരത്തിലേയ്‌ക്കുള്ള ഏറ്റവും പ്രധാനപ്പെട്ട കവാടം കായികമാണെന്ന് ബ്രാൻഡ് അംബാസഡറായി തിരഞ്ഞെടുക്കപ്പെട്ടതിനു ശേഷം സൗരവ് ഗാംഗുലി പ്രതികരിച്ചു . കൊൽക്കത്തയിലെ ബെഹലിയിൽ ഗാംഗുലിയുടെ വസതിയിൽ തൃപുര ടൂറിസം മന്ത്രി സന്ദർശനം നടത്തിയിരുന്നു.
Comments