എത്ര മഹത്തായ ഭവനമാണ് നരേന്ദ്രമോദി ജി നൽകിയത്; ജനാധിപത്യത്തിന്റെ ആത്മാവ് ഈ മന്ദിരത്തിൽ ശക്തമായി നിലനിൽക്കും; പുതിയ പാർലമെന്റ് മന്ദിരത്തെ പ്രശംസിച്ച് ഷാരുഖ് ഖാൻ

പുതിയ പാർലമെന്റ് മന്ദിരത്തിന്റെ വീഡിയോ വോയ്‌സ് ട്വിറ്ററിലൂടെ പങ്കുവെച്ച് ബോളിവുഡ് താരം ഷാരൂഖ് ഖാൻ. പാർലമെന്റിന്റെ ഉദ്ഘാടന ചടങ്ങിന് മുന്നോടിയായാണ് ഷാരുഖ് ഖാൻ വീഡിയോ പങ്കുവെച്ചത്. വീഡിയോയ്‌ക്ക് പിന്നാലെ ഷാരൂഖിനെ പ്രശംസിച്ച് പ്രധാനമന്ത്രി പ്രതികരിച്ചു. 1:48 മിനിറ്റ് ദൈർഘ്യമുള്ള വീഡിയോയാണ് താരം പങ്കുവെച്ചിരിക്കുന്നത്.

‘നമ്മുടെ ഭരണഘടന ഉയർത്തിപ്പിടിക്കുകയും രാഷ്‌ട്രത്തിലെ ഓരോ പൗരനെയും പ്രതിനിധീകരിക്കുകയും ജനതയുടെ വൈവിധ്യം സംരക്ഷിക്കുകയും ചെയ്യുന്നതിനായി എത്ര മഹത്തായ പുതിയ ഭവനമാണ് നരേന്ദ്രമോദി ജി നൽകിയിരിക്കുന്നത്. ഒരു പുതിയ ഇന്ത്യയ്‌ക്ക് വേണ്ടി പഴയ ഇന്ത്യയുടെ മഹത്വം എന്ന സ്വപ്‌നവുമായി ഒരു പുതിയ പാർലമെന്റ് മന്ദിരം. ജയ് ഹിന്ദ്!’ ഷാരൂഖ് ഖാൻ വീഡിയോയിൽ പറഞ്ഞു.

‘പാർലമെന്റ് രാഷ്‌ട്രത്തിന് വേണ്ടിയാണ്. ശരീരത്തിന് ആത്മാവ് ഉള്ളത് പോലെ നമ്മുടെ ജനാധിപത്യത്തിന്റെ ആത്മാവ് അതിന്റെ പുതിയ ഭവനത്തിൽ ശക്തമായി നിലനിൽക്കും. സ്വാതന്ത്ര്യവും സാഹോദര്യവും സമത്വവും വരും കാലങ്ങളിലും സംരക്ഷിക്കുകയും ചെയ്യണം എന്നാണ് എന്റെ ആത്മാർത്ഥമായ പ്രാർത്ഥന. ജനാധിപത്യത്തിന്റെ ഈ പുതിയ പാർലമെന്റ് അതിന്റെ ശാസ്ത്രീയ മനോഭാവത്തിനും സഹാനുഭൂതിയ്‌ക്കുമായി ഒരു പുതിയ യുഗം കെട്ടിപ്പടുക്കട്ടെ’് ഷാരൂഖ് പറഞ്ഞു.

https://twitter.com/iamsrk/status/1662506616317693952?s=20