മുംബൈ : വേദകാലത്തെ പ്രകീർത്തിച്ച ഐഎസ്ആർഒ മേധാവിയ്‌ക്കെതിരെ ബോളിവുഡ് നടൻ നസീറുദ്ദീൻ ഷാ . ഐഎസ്ആർഒ ചെയർമാൻ കള്ളക്കഥകൾ പ്രചരിപ്പിക്കുകയാണെന്നും , ചെയർമാൻ പറയുന്നത് അസംബന്ധമാണെന്നുമാണ് നസീറുദ്ദീൻ ഷായുടെ പ്രസ്താവന .
ഐഎസ്ആർഒ മേധാവി പുരാണങ്ങളാണ് ശാസ്ത്രീയ കണ്ടുപിടുത്തങ്ങൾക്ക് കാരണം എന്ന് പറയുന്നു . ഇത അസംബന്ധമാണ് . ഇക്കാര്യങ്ങൾ എങ്ങനെ ചർച്ച ചെയ്യും . ശാസ്ത്രത്തിനു പകരം നമ്മൾ അന്ധവിശ്വാസത്തിലേക്ക് നീങ്ങുകയാണ് ഇത് ക്യാൻസർ ഭേദമാക്കും, ഇത് വിമാനങ്ങൾ പറപ്പിക്കും എന്നൊക്കെയാണ് പറയുന്നത് . ജീവശാസ്ത്ര പുസ്തകങ്ങളിൽ നിന്ന് ചാൾസ് ഡാർവിനെ പുറത്താക്കി. പരിണാമ സിദ്ധാന്തം പുസ്തകങ്ങളിൽ നിന്ന് അപ്രത്യക്ഷമായി. ഇനി ഐൻസ്റ്റീന്റെ നമ്പർ വരും. അപ്പോൾ ആ ആളുകൾ എന്ത് പഠിപ്പിക്കുമെന്ന് എനിക്കറിയില്ല.
ഐഎസ്ആർഒ കള്ളക്കഥകൾ പ്രചരിപ്പിക്കുകയാണ്. ഈ ശാസ്ത്രീയ കണ്ടുപിടുത്തങ്ങളെല്ലാം പുരാണങ്ങളിൽ നിന്നുള്ളതാണെന്ന് ഐഎസ്ആർഒ മേധാവി പറയുന്നു. അത്തരമൊരു വ്യക്തിയോട് എങ്ങനെ സംസാരിക്കും? ശാസ്ത്രത്തിന്റെ ഉത്ഭവം വേദങ്ങളാണെന്നും എന്നാൽ പാശ്ചാത്യ ശാസ്ത്രജ്ഞർ അത് സ്വന്തം പേരിൽ പ്രചരിപ്പിക്കുകയാണെന്നും ഐഎസ്ആർഒ ചെയർമാൻ എസ് സോമനാഥ് നേരത്തെ പറഞ്ഞിരുന്നു. ഇതാണ് നസീറുദ്ദീൻ ഷായെ ചൊടിപ്പിച്ചത്.
