രാമായണകഥ ആസ്പദമാക്കി നിരവധി ചിത്രങ്ങളാണുള്ളത്. അവസാനമായി ഇറങ്ങാൻ പോകുന്നത് പ്രഭാസ് ചിത്രം ആദിപുരുഷാണ്. ഇതിനിടയിലാണ് രാമയണവുമായി ബന്ധപ്പെടുത്തി മറ്റൊരു സിനിമ കൂടെ ഉടൻ ഇറങ്ങുമെന്ന വിവരമാണ് പുറത്ത വരുന്നത്. നിതീഷ് തിവാരി സംവിധാനം ചെയ്യുന്ന ചിത്രത്തിന് രാമായണം എന്നാണ് പേരിട്ടിരിക്കുന്നത്.
ചിത്രത്തിൽ നായികയായി എത്തുന്നത് അലിയാഭട്ടാണ്. താരം സീതയുടെ കഥാപാത്രമാണ് അവതരിപ്പിക്കുന്നത്. രൺബിർ ആണ് രാമനാകുന്നതെന്നാണ് ട്രേഡ് അനലിസ്റ്റ് ആയ സുമിത് ഖേഡൽ ട്വീറ്റ് ചെയ്തിരിക്കുന്നത്. ചിലപ്പോൾ രാവണനായി എത്തുന്നത് തെന്നിന്ത്യൻ സൂപ്പർ താരം യാഷ് ആയിരിക്കുമെന്നും ഇദ്ദേഹം പറയുന്നുണ്ട്. ഇതിനുവേണ്ടി യാഷുമായി ചർച്ച നടക്കുകയാണെന്നാണ് പുറത്ത വരുന്ന വിവരങ്ങൾ.
മഹേഷ് ബാബു, ഹൃത്വിക് റോഷൻ, ദീപിക പദുക്കോൺ, യാഷ് തുടങ്ങിയ പ്രമുഖരെയും ചിത്രത്തിനായി സമീപിച്ചതായി സൂചനകളുണ്ട്. എന്നാൽ ഇതിനെക്കുറിച്ച് ഔദ്യോഗികമായ പ്രതികരണങ്ങൾ ഒന്നും തന്നെ പുറത്തുവന്നിട്ടില്ല. സീതയുടെ വേഷം ചെയ്യാൻ ആദ്യം ദീപിക പദുക്കോണിനെ സമീപിച്ചതായും രാവണന്റെ വേഷത്തിനായി ഹൃത്വിക് റോഷനെയും സമീപിച്ചിരുന്നുവെന്നും വിവരമുണ്ട്.
Comments