വടക്കേ മലബാറിലെ പ്രസിദ്ധമായ ക്ഷേത്രങ്ങളാണ് കൊട്ടിയൂർ ശിവക്ഷേത്രങ്ങൾ. ഇക്കൊല്ലത്തെ കൊട്ടിയൂർ ഉത്സവത്തോട് അനുബന്ധിച്ച് തീർത്ഥാടകർക്കായി പ്രത്യേക തീർത്ഥാടക യാത്രയുമായി കണ്ണൂർ കെഎസ്ആർടിസി. ജൂൺ പത്തിന് ആരംഭിക്കുന്ന യാത്രയിൽ ജൂൺ 28 വരെ ഭക്തജനങ്ങൾക്ക് പങ്കെടുക്കാം. ശനി ഞായർ ദിവസങ്ങളിലാണ് ഭക്തർക്കായി ഈ സൗകര്യം ലഭിക്കുക. ദിവസേനയുള്ള യാത്രയ്‌ക്കു പുറമേയാണ് ഈ സൗകര്യം.
കണ്ണൂരിൽ നിന്നു രാവിലെ 6- ന് പുറപ്പെട്ട് ഇരിക്കൂർ മാമാനത്ത് ക്ഷേത്രം, മൃദംഗ ശൈലേശ്വരി ക്ഷേത്രം, പുരളിമല എന്നിവിടങ്ങളും സന്ദർശിച്ച് ഉച്ചഭക്ഷണത്തിനു ശേഷം 2 മണിക്ക് കൊട്ടിയൂർ ക്ഷേത്രത്തിൽ എത്തും. ക്ഷേത്ര ദർശനവും കഴിഞ്ഞ് വൈകിട്ട് 7.30-ഓടെ തിരികെ കണ്ണൂരെത്തും. സൂപ്പർ എക്‌സ്പ്രസ് സെമി സ്ലീപ്പർ ബസിലെ യാത്രയ്‌ക്ക് ഒരാൾക്ക് 630 രൂപയാണ് നിരക്ക്. കൂടുതൽ വിവരങ്ങൾക്കും ബുക്കിങ്ങിനും, 9496131288, 8089463675
