പ്രഭാസും കൃതി സനോനും ഒന്നിക്കുന്ന ചിത്രം ആദിപുരുഷ് റിലീസിന് തയ്യാറെടുക്കുമ്പോൾ രാമായണം ഇതിവൃത്തമായ് നിതേഷ് തിവാരിയും മധു മണ്ടേനയും ചേർന്ന് സംവിധാനം ചെയ്യുന്ന ചിത്രത്തിന്റെ നിർമ്മാണ പ്രവർത്തനങ്ങളും പുരോഗമിക്കുകയാണ്. അതേസമയം ചിത്രത്തിൽ രാവണന്റെ വേഷത്തിനായി യാഷിനെ സമീപിച്ചെങ്കിലും അദ്ദേഹം ഇത് നിരസിച്ചതായാണ് റിപ്പോർട്ടുകൾ.
രാമനേക്കാൾ വെല്ലുവിളി നിറഞ്ഞതാണ് രാവണന്റെ വേഷം എന്നതിനാൽ ചിത്രം ചെയ്യാൻ യാഷ് വളരെ ആവേശത്തിലായിരുന്നുവെന്നാണ് റിപ്പോർട്ടുകൾ. ഈ ചിത്രത്തിലെ രാമന്റെ വേഷത്തിനായി രൺബീർ കപൂറിനെയും തിരഞ്ഞെടുത്തിരുന്നു .എന്നാൽ പിന്നീട് യാഷ് ഇതിലെ അവസരം നിരസിക്കുകയായിരുന്നു.
രാവണന്റെ വേഷം ചെയ്യരുതെന്ന് യാഷിനോട് അദ്ദേഹത്തിന്റെ ടീം ഉപദേശിച്ചതായാണ് വിവരം. യാഷ് നെഗറ്റീവ് റോളിൽ അഭിനയിക്കുന്നത് കണ്ട് ആരാധകർ സന്തോഷിക്കില്ലെന്നാണ് അദ്ദേഹത്തിന്റെ ടീം വിലയിരുത്തുന്നത് . രാവണനെപ്പോലെ ശക്തനായ ഒരു എതിരാളിയുടെ വേഷം ഇതുവരെ ചെയ്തിട്ടില്ലെങ്കിലും. ആരാധകരുടെ വികാരങ്ങൾ കണക്കിലെടുക്കണമെന്ന് യാഷിനോട് ടീം ആവശ്യപ്പെട്ടതായും പറയുന്നു. ‘ തന്റെ ആരാധകർ വളരെ വികാരാധീനരും അവരുടെ ഇഷ്ടങ്ങൾക്ക് വിരുദ്ധമായി ഞാൻ എന്തെങ്കിലും ചെയ്യുമ്പോൾ അമിതമായി പ്രതികരിക്കുന്നവരുമാണ്.‘ എന്ന് യാഷും മുൻപ് പറഞ്ഞിട്ടുണ്ട്.
Comments