കേരളത്തിലെ പെട്ടെന്നുണ്ടായ വിലക്കയറ്റം; പ്രതികരണവുമായി ഭക്ഷ്യമന്ത്രി ജി ആർ അനിൽ

തിരുവനന്തപുരം: സംസ്ഥാനത്ത് പെട്ടെന്നുണ്ടായ വിലക്കയറ്റത്തിൽ പ്രതികരണവുമായി ഭക്ഷ്യ മന്ത്രി ജി ആർ അനിൽ. പണപ്പെരുപ്പം കുറഞ്ഞു നിൽക്കുന്ന സാഹചര്യത്തിലും വിലക്കയറ്റമുണ്ടാകുന്നത് ഗൗരവത്തോടെ കാണുന്നുവെന്ന് ഭക്ഷ്യ മന്ത്രി പറഞ്ഞു.

സിവിൽ സപ്ലൈസ് ഉദ്യോഗസ്ഥരുമായി നടത്തിയ ചർച്ചയ്‌ക്കുശേഷം സംസാരിക്കുകയായിരുന്നു ഭക്ഷ്യമന്ത്രി ജി ആർ അനിൽ.

സംസ്ഥാനത്ത കൃത്രിമമായി സൃഷ്ടിക്കുന്നതാണോ വിലക്കയറ്റം എന്ന് അന്വേഷിക്കും. ഇതിനായി റവന്യൂ, സിവിൽ സപ്ലൈസ്, പോലീസ്, ലീഗൽ മെട്രാളജി വകുപ്പുകൾ സംയുക്തമായി അന്വേഷിക്കാൻ നിർദ്ദേശം നൽകിയതായും മന്ത്രി ജി ആർ അനിൽ പറഞ്ഞു.