മലയാള സിനിമയിലെ യുവ താരനിരകളിൽ ഏറ്റവും ജനപ്രീതിയുള്ള നടനാണ് ധ്യാൻ ശ്രീനിവാസൻ. സിനിമകളിലേക്കാൾ ഉപരി അഭിമുഖങ്ങളിലൂടെ പ്രേക്ഷക സ്വീകര്യത നേടിയ നടനാണ് ധ്യാൻ. സിനിമകൾക്ക് ലഭിക്കുന്നതിനേക്കാൾ സ്വീകാര്യതയാണ് ധ്യാൻ നൽകുന്ന അഭിമുഖങ്ങൾക്ക് ലഭിക്കാറുള്ളത്. ഇവയെല്ലാം വളരെ പെട്ടെന്നാണ് സമൂഹമാദ്ധ്യമങ്ങളിൽ വൈറലാകാറുള്ളതും.
സിനിമ മോഖലയിൽ നിന്നും ഒട്ടേറെ സൗഹൃദങ്ങൾ കാത്തു സൂക്ഷിക്കുന്ന നടനാണ് ധ്യാൻ. താരത്തിന്റെ അടുത്ത സുഹൃത്തുക്കളിൽ ഒരാളാണ് നടൻ അജൂ വർഗീസും. ധ്യാനിന്റെ ആദ്യ സംവിധാന സംരഭമായ ലവ് ആക്ഷൻ ഡ്രാമയുടെ നിർമ്മാതാക്കളിൽ ഒരാൾ കൂടിയായിരുന്നു അജു വർഗീസ്. ചിത്രത്തിൽ നിവിൻപോളിയുടെ നായികയായി എത്തിയത് നയൻതാരയായിരുന്നു. ഇപ്പോഴിതാ ചിത്രവുമായി ബന്ധപ്പെട്ട രസകരമായ കാര്യങ്ങളാണ് താരം വ്യക്തമാക്കിയിരിക്കുന്നത്. ധ്യാനിന്റെ കഥ പറയാനുള്ള കഴിവ് കൊണ്ടാണ് നയൻതാരയുടെ ഡേറ്റ് കിട്ടിയതെന്നാണ് അജൂ വർഗീസ് പറയുന്നത്.
അജു വർഗീസിന്റെ വാക്കുകൾ…
‘എപ്പോഴും എല്ലാ കാര്യങ്ങളിലും തമാശ കൊണ്ടുവരാൻ ഇഷ്ടമാണ് ധ്യാനിന്. നല്ല കഥപറച്ചിലുകാരനാണ്. അല്ലെങ്കിൽ നിങ്ങൾക്ക് തോന്നുന്നുണ്ടോ ഒരു മണിക്കൂർ കൊണ്ട് നയൻതാരയെ പോലെയുളള ഒരു വലിയ താരത്തിന്റെ ഡേറ്റും ആയിട്ട് വരുമെന്ന്. അത് ഈ കള്ളത്തരം ഉള്ളത് കൊണ്ടല്ലേ. അപ്പോൾ പറഞ്ഞ കഥയേ അല്ല ലവ് ആക്ഷൻ ഡ്രാമയിലെ കഥ എന്നാണ് എനിക്ക് തോന്നുന്നത്. മാഡത്തിനോട് എന്തോ വലിയ പടമാണെന്നാണ് പറഞ്ഞിരുന്നത്. പാവം’- ചിരിച്ചുകൊണ്ട് അജു പറയുന്നു.
നയൻതാരയുമായി ഇന്നും ധ്യാനിന് നല്ല ബന്ധമാണുള്ളതെന്നും വേണമെങ്കിൽ ഇനിയും കഥ പറയാനുളള അവസരമൊക്കെ കിട്ടുമെന്നും അജു അഭിമുഖത്തിലൂടെ വ്യക്തമാക്കി. താൻ ലൊക്കേഷനുകളിൽ നിൽക്കുമ്പോൾ ആളുകൾ ധ്യാനിന്റെ വിശേഷങ്ങളാണ് തന്റെ അടുത്ത് വന്ന് ചോദിക്കാറുള്ളതെന്നും താരം പറഞ്ഞു. ‘ഞാൻ പല ഷൂട്ടിംഗ് ലൊക്കേഷനുകളിലും നിൽക്കുമ്പോൾ പ്രേക്ഷകർ ധ്യാനിന്റെ വിശേഷങ്ങൾ ചോദിച്ച് വരാറുണ്ട്. അതിനുമാത്രം സിനിമകൾ ഒന്നും ചെയ്യാതെ തന്നെ പ്രേക്ഷകരുടെ ഇഷ്ടം നേടാൻ കഴിയുന്നു എന്നത് ഒരു ഭാഗ്യം തന്നെയാണ്. ശരിക്കും ഒരു എന്റർടൈനർ തന്നെയാണ് ധ്യാൻ. ആരെയും വേദനിപ്പിച്ച് സംസാരിക്കാറില്ല. മുഖത്തുനോക്കി വിമർശിച്ച് ചിരിപ്പിക്കുന്ന വ്യക്തി കൂടിയാണ് ധ്യാൻ. ധ്യാനിന്റ വളർച്ചയിൽ സന്തോഷവാനാണെന്നും അജു പറഞ്ഞു.
Comments