പൂച്ചയെ വളരെയികം സ്‌നേഹിക്കുന്നവരാണ് ഏറെയും. വളരെ ചുരുക്കം ചിലർക്കായിരിക്കും പൂച്ചയോട് കാര്യമില്ലാത്തത്. പൂച്ചയുടെ കുസൃതിയും കള്ളത്തരങ്ങളും കളിയുമെല്ലാം രസകരമാണ്. എന്നാൽ ഇതിൽ നിന്നെല്ലാം വ്യത്യസ്തമായ ഒരു പൂച്ചയുണ്ട്. സ്വന്തമായി ജോലിയൊക്കെ ചെയ്യുന്ന ഒരു പൂച്ച. അമേരിക്കയിലെ എയർപോർട്ടിൽ ജോലി ചെയ്യുന്ന ഈ പൂച്ചയുടെ പേര് ഡ്യൂക്ക് എല്ലിംഗ്ടൺ മോറിസ് എന്നാണ്.
രസകരമായ സംഭവത്തിന് പിന്നിൽ ഒരു കാര്യമുണ്ട്. വിമാനയാത്രം എല്ലാവർക്കും അത്ര രസകരമായ ഒന്നല്ല. യാത്ര പുറപ്പെടുന്നതിന് മുൻപുള്ള ഉത്കണ്ഠ ഒരു വിധം എല്ലാവരിലുമുണ്ട്. ചില ടിപ്പുകളിലൂടെയും കൗൺസിലിംഗുകളിലൂടെയും ഇത് കൈകാര്യം ചെയ്യാൻ സാധിക്കുമെങ്കിലും ഭയവും വെപ്രാളവും അവസാനിച്ചുവെന്ന് വരില്ല. വിമാനം പുറപ്പെടുന്നതിന് മുൻപ് പരിഭ്രാന്തരാകുന്ന യാത്രക്കാരെ ശാന്തമാക്കുന്നതിനായി യുഎസിലെ വിമാനത്താവളത്തിൽ തികച്ചും വ്യത്യസ്തമായ രീതിയാണ് പ്രയോഗിക്കുന്നത്.
യാത്രികരുടെ പരിഭ്രാന്തി കുറയ്‌ക്കുന്നതിനായി എയർപോർട്ട് അധികൃതർ ഡ്യൂട്ടിക്ക് എല്ലിംഗ്ടൺ മോറിസ് എന്ന പൂച്ചയുടെ സേവനം തേടുകയായിരുന്നു. ഡ്യൂക്ക് എന്നറിയപ്പെടുന്ന ഈ പൂച്ച സാൻ ഫ്രാൻസിസ്‌കോ അന്താരാഷ്്ട്ര വിമാനത്താവളത്തിലെ വാഗ് ബ്രിഗേഡിലെ ഏറ്റവും പുതിയ അംഗമാണ്. യാത്ര കൂടുതൽ ആസ്വാദ്യകര്യമാക്കുന്നതിനായി പരിശീലനം ലഭിച്ച നായ്‌ക്കളെ ടെർമിനലുകളിൽ എത്തിക്കുന്നതിനായി 2013-ൽ എയർപോർട്ട് ആരംഭിച്ച പരിപാടിയാണ് വാഗ് ബ്രിഗേഡ്. വിമാനത്താവളത്തിന്റെ ഔദ്യോഗിക വെബ്‌സൈറ്റ് അനുസരിച്ച് സാൻ ഫ്രാൻസിസ്‌കോ സൊസൈറ്റി ഫോർ ദി പ്രിവൻഷൻ ഓഫ് ക്രുവൽറ്റി ടു ആനിമൽസ് അവരുടെ അനിമൽ അസിസ്റ്റഡ് തെറാപ്പി പ്രോഗ്രാമുകളിലൂടെയാണ് ടെർമിനലുകളിൽ എത്തിച്ചത്.
വാഗ് ബ്രിഗേഡിന് ഇപ്പോൾ നിരവധി നായ്‌ക്കൾ ഉണ്ട്. ഇതിന് പുറമേ ഒരു മുയലും, ലിലോ എന്ന പന്നിയുമുണ്ട്. ഡ്യൂക്ക് ആണ് ഇതിലേക്ക് പുതിയതായി എത്തിയിരിക്കുന്നത്. 14 വയസ്സുള്ള പൂച്ചയുടെ ഫോട്ടോ എയർപോർട്ട് അധികൃതരാണ് ട്വീറ്റ് ചെയ്തത്. വളരെപ്പെട്ടന്നാണ് ഇത് സമൂഹമാദ്ധ്യമങ്ങളിൽ വൈറലായത്. എയർപോർട്ടിന്റെ ട്വിറ്റർ അക്കൗണ്ടിലൂടെയായിരുന്നു നിയമനം പ്രഖ്യാപിച്ചത്, ‘ഞങ്ങളുടെ ഏറ്റവും പുതിയ വാഗ് ബ്രിഗേഡ് അംഗമായ ഡ്യൂക്ക് എല്ലിംഗ്ടൺ മോറിസിനെ സ്വാഗതം ചെയ്യുക!’ എന്നായിരുന്നു ട്വീറ്റ്, ഒരു ചെറിയ പൈലറ്റിന്റെ തൊപ്പി ധരിച്ച് ബ്ലാക്ക് ആൻഡ് വൈറ്റ് നിറത്തിലുള്ള പൂച്ചയെയാണ് ഫോട്ടോയിൽ കാണുന്നത്. 2010 ൽ വളരെ ചെറുതായിപിക്കുമ്പോൾ തന്നെ ഡ്യൂക്കിനെ എസ്പിസിഎയിൽ നിന്ന് ദത്തെടുത്തിരുന്നു. സാൻ ഫ്രാൻസിസ്‌കോ എയർപോർട്ട് വൃത്തങ്ങൾ അനുസരിച്ച്, അവരുടെ വാഗ് ബ്രിഗേഡിനുള്ള മൃഗങ്ങളെ അവരുടെ സ്വഭാവത്തിന്റെയും പെരുമാറ്റത്തിന്റെയും അടിസ്ഥനത്തിലാണ് തിരഞ്ഞെടുത്തിരിക്കുന്നത്. സാൻ ഫ്രാൻസിസ്‌കോയുടെ എസ്പിസിഎ ഇത് സാക്ഷ്യപ്പെടുത്തിയിരിക്കണം.
Comments