ദിവസവും സൂര്യനമസ്കാരം ചെയ്യാൻ മടിയുണ്ടോ? ആരോ​ഗ്യത്തിനുണ്ടാകുന്ന ഈ ​ഗുണങ്ങൾ അറി‍ഞ്ഞാൽ എല്ലാ മടിയും പമ്പകടക്കും….

മനുഷ്യനെ ശാരീരികമായും മാനസികമായും ഉന്നതിയിലേക്ക് എത്തിക്കുന്നതാണ് യോ​ഗ. ആരോ​ഗ്യത്തിന് നിരവധി ​ഗുണങ്ങൾ നൽകുന്ന ഒന്നാണ് സൂര്യനമസ്കാരം. നമ്മുടെ ശരീരത്തിന് ഒരു ഫുൾബോ​ഡി വർക്കൗട്ട് നൽകുന്ന വ്യായാമം കൂടിയാണ് സൂര്യ നമസ്കാരം. ഇത് ചെയ്യുന്നതിലൂടെ ശരീരത്തിന് വഴക്കവും അതുപോലെ ആരോ​ഗ്യവും നിലനിർത്താൻ സാധിക്കുന്നുണ്ട്. സൂര്യനമസ്കാരം ചെയ്താൽ നമ്മുടെ ശരീരത്തിനെന്തല്ലാം ​ഗുണങ്ങളാണ് ലഭിക്കതെന്ന് നോക്കാം..

മാനസികാരോഗ്യം

നമ്മുക്ക് ഏറ്റവും പ്രധാനപ്പെട്ട ഒന്നാണ് മാനസികാരോ​ഗ്യം. നല്ല മാനസികാരോഗ്യം വികസിപ്പിച്ചെടുക്കാന്‍ സൂര്യനമസ്‌ക്കാരം അത്യാവശ്യമായ ഘടകമാണ്. കൂടാതെ, മാനസിക പിരിമുറക്കം കുറയ്‌ക്കാനും സഹായിക്കുന്നു. ഇത്തരത്തില്‍ സ്‌ട്രെസ്സ് കുറയുമ്പോള്‍ തന്നെ ഒരാള്‍ക്ക് പാതി ആശ്വാസം ലഭിക്കുന്നുണ്ട്.

ശരീരഭാരം

ശരീരഭാരം കുറയ്‌ക്കാൻ ആ​ഗ്രഹിക്കുന്നവർക്കും ദിവസേന ചെയ്യാൻ കഴിയുന്ന വ്യായാമമാണ് സൂര്യനമസ്കാരം. ഇത് ശരീരത്തിലെ കൊഴുപ്പിനെ ഇല്ലാതാക്കാനും അതുപോലെ വയർ കുറയ്‌ക്കുന്നതിനും ശരീരപേശികളെ ബലപ്പെടുത്തി എടുക്കുന്നതിനും സഹായിക്കുന്നുണ്ട്.

ചര്‍മ്മം

സ്ഥിരമായി വ്യായാമം ചെയ്യുന്നതിലൂടെ നമ്മുടെ ചർമ്മം നല്ല തിളക്കവും ഭം​ഗിയും ഉള്ളതാകും. ഇതിലൂടെ യുവത്വം നിലനിൽക്കുകയും ചെയ്യും.

ജീവിതശൈലീ രോഗങ്ങള്‍

സ്ഥിരമായി സൂര്യനമസ്‌ക്കാരം ചെയ്യുന്നവരില്‍ ജീവിതശൈലീ രോഗങ്ങളും കുറവായിരിക്കും. പ്രത്യേകിച്ച് ഇവരില്‍ കൊളസ്‌ട്രോള്‍ കുറവായിരിക്കും. അതുപോലെ തന്നെ, പ്രമേഹം, അമിതമായിട്ടുള്ള രക്തസമ്മര്‍ദ്ദം എന്നിവയും കുറയും