പ്രിയപ്പെട്ട സുരേഷ് അങ്കിളിന് പിറന്നാൾ ആശംസകൾ; മാളികപ്പുറം സിനിമയിലെ കുട്ടിത്താരം ദേവനന്ദ

മലയാളികളുടെ എക്കാലത്തെയും പ്രിയ നടനും താരജാഡകളില്ലാത്ത മനുഷ്യ സ്‌നേഹിയുമാണ് സുരേഷ് ഗോപി. താരത്തിന്റെ 65-ാം പിറന്നാൾ ദിനമായ ഇന്ന് പിറന്നാൾ ആശംസകളുമായി എത്തിയിരിക്കുകയാണ് മാളികപ്പുറം സിനിമയിലെ കുട്ടിത്താരം ദേവനന്ദ. തന്റെ പ്രിയപ്പെട്ട സുരേഷ് ഗോപി അങ്കിളിന് പിറന്നാൾ ആശംസകൾ എന്നാണ് ദേവനന്ദ കുറിച്ചിരിക്കുന്നത്. കുറിപ്പിനൊപ്പം താരം സുരേഷ് ഗോപിയ്‌ക്കൊപ്പമുള്ള ഒരു ചിത്രവും പങ്കുവെച്ചിട്ടുണ്ട്. സുരേഷ് ഗോപിയുടെ മടിയിൽ പുഞ്ചിരി തൂകി ഇരിക്കുന്ന ദേവനന്ദയെയാണ് ചിത്രത്തിൽ കാണുന്നത്.

അതേസമയം ഒരു പെരുങ്കളിയാട്ടം, ഗരുഡൻ, ജെഎസ്‌കെ എന്നിങ്ങനെ നിരവധി ചിത്രങ്ങളാണ് സുരേഷ് ഗോപിയുടേതായി പുറത്തിറങ്ങാൻ അണിയറയിൽ ഒരുങ്ങിക്കൊണ്ടിരിക്കുന്നത്. സുരേഷ് ഗോപിയും ബിജുമേനോനും ഒന്നിച്ചെത്തുന്ന സിനിമയാണ് ഗരുഡൻ. ഇപ്പോഴിതാ താരത്തിന്റെ 65-ാം ദിനത്തോട് അനുബന്ധിച്ച് ചിത്രത്തിന്റെ ടീസർ പുറത്തിറക്കിയിരിക്കുകയാണ് ചിത്രത്തിന്റെ നിർമ്മാതാക്കൾ. ക്രൈം ത്രില്ലർ മോഡലിലാണ് ചിത്രം ഒരുങ്ങുന്നത്. നവാഗതനായ അരുൺ വർമയാണ് ചിത്രത്തിന്റെ സംവിധാനം നിർവഹിക്കുന്നത്.

2018 എവരിവൺ ഈസ് എ ഹീറോ എന്ന ചിത്രത്തിലാണ് ദേവനന്ദ അവസാനമായി പ്രേക്ഷകർക്കുമുന്നിലെത്തിയത്. ദേവനന്ദയ്‌ക്ക് മൂന്നര വയസുള്ളപ്പോൽ തൊട്ടപ്പൻ എന്ന ചിത്രത്തിലൂടെയായിരുന്നു സിനിമയിലേക്ക് അരങ്ങേറ്റം കുറിച്ചത്. മിന്നൽ മുരളി, മൈ സാന്റാ, സൈമൺ ഡാനിയേൽ, തൊട്ടപ്പൻ, ഹെവൻ, ടീച്ചർ എന്നീ ചിത്രങ്ങളിൽ ചെറിയ വേശങ്ങൾ ചെയ്തിരുന്നു. മാളികപ്പുറം എന്ന ചിത്രത്തിലാണ് താരം ഒരു മുഴു നീള കഥാപാത്രത്തെ അവതരിപ്പിച്ചത്. മാളികപ്പുറത്തിലൂടെ ദേവനന്ദയെ ആരാധകർ നെഞ്ചിലേറ്റുകയായിരുന്നു.