സ്വന്തം കുഞ്ഞിന്റെ മൃതദേഹം ഭക്ഷിച്ച് കുരങ്ങൻ . യൂറോപ്പിലെ മൃഗശാലയിലാണ് സംഭവം . മൃഗശാലയിൽ എത്തിയ കാഴ്ച്ചക്കാരാണ് ഈ ദൃശ്യത്തിന് സാക്ഷികളായത് . കുഞ്ഞിന്റെ മൃതദേഹവുമായി ദിവസങ്ങളോളം കുരങ്ങൻ നടന്നതായും റിപ്പോർട്ടുണ്ട് . അതേസമയം സ്വന്തം കുഞ്ഞിന്റെ മൃതദേഹം തിന്നുന്ന ഇത്തരം കുരങ്ങുകൾ ലോകത്ത് കുറവാണ്.
ഇതിന് മുമ്പ് ചെക്ക് റിപ്പബ്ലിക്കിലെ ദ്വുർ ക്രാലോവ് സഫാരി പാർക്കിലും സമാനമായ സംഭവമുണ്ടായി . കുമാസി എന്ന പെൺകുരങ്ങ് ഒരു ദിവസം മുഴുവൻ തന്റെ കുഞ്ഞിന്റെ മൃതദേഹവും ചുമന്നു ചുറ്റിനടന്നു. കുഞ്ഞിന്റെ ജീവൻ നിലനിർത്താനും ശ്രമിച്ചു .
കുമാസി മാൻഡ്രില്ലസ് ല്യൂക്കോഫേയസ് ഇനത്തിൽ പെട്ടതാണ്. സാധാരണയായി ഈ ഇനത്തിലെ കുരങ്ങുകൾ അവരുടെ വംശത്തിലെ ചത്ത കുരങ്ങുകളുടെ ശരീരം ഭക്ഷിക്കാറില്ല. കുമാസി തന്റെ കുഞ്ഞിനെ ഭക്ഷിച്ചപ്പോൾ കണ്ടത് ഞെട്ടിക്കുന്ന കാഴ്ചയായിരുന്നു. രണ്ടാം ദിവസം തന്നെ തന്റെ കുട്ടിയുടെ മൃതദേഹത്തിന്റെ ഭൂരിഭാഗവും കുമാസി തിന്നു. ഈ സമയം കൂട്ടിൽ ഉണ്ടായിരുന്ന മറ്റ് കുരങ്ങുകൾ അകന്നു മാറി.
കുട്ടിയുടെ മരണശേഷം മൃഗശാലയിലെ ജീവനക്കാർ തൊടാതിരിക്കാൻ കുമാസി തന്റെ ശരീരത്തോട് ചേർത്തുവെച്ചിരുന്നതായി ഇറ്റലിയിലെ പിസ സർവകലാശാലയിലെ പ്രൈമേറ്റ് ബയോളജിസ്റ്റ് എലിസബത്ത് പലഗി പറഞ്ഞു. കുഞ്ഞ് മരിച്ചെന്ന് അംഗീകരിക്കാൻ കുമാസി തയ്യാറായില്ല.
കുരങ്ങനോ മറ്റേതെങ്കിലും ജീവിയോ കുട്ടിയുടെ കണ്ണുകളുടെ ചലനത്തിലൂടെ കുട്ടി ജീവിച്ചിരിപ്പുണ്ടോ ഇല്ലയോ എന്ന് കണ്ടെത്തും. സമയം കടന്നു പോകവേ മൃതദേഹം വലിച്ചിഴച്ച് പാർക്കിന് ചുറ്റും നടന്നു കുമാസി .സ്വന്തം കുഞ്ഞിനെ ഭക്ഷിക്കുന്നതിലൂടെ കുരങ്ങുകൾ ഗർഭധാരണത്തിനു ശേഷം നഷ്ടപ്പെട്ട ഊർജ്ജം വീണ്ടെടുക്കുമെന്ന് ശാസ്ത്രജ്ഞർ പറയുന്നു. അങ്ങനെ അവൾക്ക് വീണ്ടും അമ്മയാകാനുള്ള പ്രക്രിയ പൂർത്തിയാക്കാൻ കഴിയും. അതുകൊണ്ടാണ് കുട്ടിയുടെ മൃതദേഹം മറ്റൊരു കുരങ്ങനുമായി പങ്കുവയ്ക്കാത്തതെന്നും ശാസ്ത്രജ്ഞർ പറയുന്നു.
