ന്യൂഡൽഹി: ഇന്ത്യൻ ടീമിന്റെ മുഖ്യ സെലക്ടറായി മുൻ പേസർ അജിത് അഗാർക്കറിനെ ബിസിസിഐ നിയോഗിച്ചു. സുലക്ഷണ നായിക്, അശോക് മൽഹോത്ര, ജതിൻ പരഞ്ജപേ എന്നിവരടങ്ങുന്ന ക്രിക്കറ്റ് ഉപദേശക സമിതിയാണ് ഇതുസംബന്ധിച്ച തീരുമാനമെടുത്തത്.
അജിത് അഗാർക്കർ മുഖ്യ സെലക്ടറാകുന്ന അഞ്ചംഗ സമിതിയാണ് ഇന്ത്യൻ ടീമിനെ ഇനി നിശ്ചയിക്കുക. ശിവസുന്ദർ ദാസ്, സുബ്രോതോ ബാനർജി, സലീൽ അങ്കോള, ശ്രീധരൻ ശരത് എന്നിവരാണ് സമിതിയിലെ മറ്റ് അംഗങ്ങൾ. ഒളി ക്യാമറ വിവാദത്തിൽപ്പെട്ട് ചേതൻ ശർമ്മ പുറത്തുപോയ സാഹചര്യത്തിലാണ് ചുമതലയിലേക്ക് 45-കാരനായ അഗാർക്കർ എത്തുന്നത്. കഴിഞ്ഞ ഫെബ്രുവരിയിൽ ചേതൻ ശർമ്മയെ പുറത്താക്കിയതിന് ശേഷം ഇതുവരെ ശിവസുന്ദർ ദാസിനായിരുന്നു മുഖ്യ സെലക്ടറുടെ താത്കാലിക ചുമതല.
Comments