എറണാകുളം: കെഎസ്ആർടിസി ബസിൽ യാത്രക്കാരിക്ക് നേരെ കണ്ടക്ടറുടെ ലൈംഗിക അതിക്രമം. തിരുവന്തപുരം-മലപ്പുറം സ്വിഫ്റ്റ് ബസിലെ കണ്ടക്ടറാണ് കഴക്കൂട്ടത്ത് നിന്ന് കയറിയ യുവതിയെ ഉപദ്രവിച്ചത്. കണ്ടക്ടറുടെ സീറ്റിൽ വിളിച്ചിരുത്തിയായിരുന്നു അതിക്രമം. യുവതിയുടെ പരാതിയിൽ നെയ്യാറ്റിൻകര സ്വദേശി ജസ്റ്റിനെ ആലുവയിൽ വെച്ച് പോലീസ് കസ്റ്റഡിയിലെടുത്തു.
രാവിലെ തിരുവനന്തപുരം മംഗലപുരത്ത് വച്ചാണ് കണ്ടക്ടർ യുവതിയെ സീറ്റിലേക്ക് വിളിച്ചു വരുത്തി അപമാനിച്ചത്. യുവതി ഇരുന്ന സീറ്റ് റിസേർവ്ഡ് ആണെന്ന് തെറ്റിദ്ധരിപ്പിച്ച് കണ്ടക്ടറുടെ സീറ്റിലേക്ക് വിളിച്ചു വരുത്തുകയായിരുന്നു. 354, 351 പ്രകാരം പോലീസ് ഇയാൾക്കെതിരെ കേസെടുത്തു.
Comments