മുംബൈ: വിമാനത്താവളത്തിൽ ആരാധകനോടൊപ്പം ജയിലർ സിനിമയിലെ കാവാല ഗാനത്തിന് ചുവട് വെച്ച് തമന്ന ഭാട്ടിയ. ആഗസ്റ്റ് 10-ന് തിയേറ്ററുകളിലെത്തുന്ന ജയിലറിന്റെ ഗാനം ഇതിനോടകം ആരാധകർ ഏറ്റെടുത്ത് കഴിഞ്ഞു. രജനികാന്ത് നായകനാകുന്ന ചിത്രത്തിൽ തമന്നയാണ് നായികയായെത്തുന്നത്. ഈ മാസം ആദ്യം റിലീസ് ചെയ്ത ഗാനം ഇതിനോടകം 24 ദശലക്ഷം പേരാണ് കണ്ടത്. സാമൂഹ്യമാദ്ധ്യമങ്ങളിൽ തരംഗമായിരിക്കുകയാണ് ‘കാവാല’ ഗാനം.
വിമാനത്താവളത്തിലെത്തിയ തമന്നയെ ആരാധകർ വളയുകയും കാവാല ഗാനത്തിന് ചുവട് വെയ്‌ക്കാൻ പറയുകയുമായിരുന്നു. തുടർന്ന് താരം ആരാധകനോടൊപ്പം ചുവട് വെച്ചു. ഈ വീഡിയോയാണ് വൈറലാകുന്നത്. ആരാധകനോടൊപ്പമുള്ള ഡാൻസ് സാമൂഹ്യമാദ്ധ്യമങ്ങളിൽ പോസ്റ്റ് ചെയ്തതോടെ സന്തോഷം പങ്കുവെച്ച് ആരാധകരുമെത്തി. എനിക്ക് ഫ്‌ലൈറ്റ് മിസ് ചെയ്യുമെന്നും തന്നെക്കാൾ നന്നായിട്ട് ഇയാൾ ഡാൻസ് ചെയ്യുന്നുവെന്നും തമന്ന ചിരിച്ചുകൊണ്ട് പറയുന്നത് വീഡിയോയിൽ കേൾക്കാം.
ആഗസ്റ്റ് 10-ന് റിലീസ് ചെയ്യുന്ന ചിത്രത്തിൽ മോഹൻലാൽ, രമ്യാ കൃഷ്ണൻ, പ്രിയങ്ക അരുൾ മോഹൻ, ശിവ രാജ്കുമാർ, യോഗി ബാബു, വസന്ത് രവി, വിനായകൻ എന്നിവരും പ്രധാന വേഷങ്ങളിലെത്തുന്നു. നെൽസൺ ദിലീപ് കുമാറിന്റെ സംവിധാനത്തിലൊരുങ്ങുന്ന ചിത്രമാണ് ജയിലർ. ജൂണിൽ ചിത്രീകരണം പൂർത്തിയായിരുന്നു.
Comments