പ്രമുഖ ഇന്ത്യൻ വ്യവസായിയും അദാനി ഗ്രൂപ്പ് ചെയർമാനുമായ ഗൗതം അദാനിയും ഭാര്യ പ്രീതി അദാനിയുമായി കൂടിക്കാഴ്ച നടത്തി കൃഷ്ണകുമാർ. കൃഷ്ണകുമാറിനൊപ്പം ഭാര്യ സിന്ധുവും ഒപ്പമുണ്ടായിരുന്നു. ഉച്ചഭക്ഷണത്തിന് ശേഷമാണ് ഇരുവരും പിരിഞ്ഞത്. അദാനിയെയും ഭാര്യയെയും കാണാനും ഒപ്പമിരുന്ന് ഉച്ചഭക്ഷണം കഴിക്കാനും അവസരം ലഭിച്ചത് ഭാഗ്യമായി കണക്കാക്കുന്നുവെന്ന് കൃഷ്ണകുമാറിന്റെ ഭാര്യ സിന്ധു കൃഷ്ണകുമാർ ഇൻസ്റ്റാഗ്രാമിൽ കുറിച്ചു.
നാല് പേരും ഒരുമിച്ചുള്ള ചിത്രം പങ്കുവെച്ചുകൊണ്ടാണ് സിന്ധു കുറിച്ചത്.
അഹമ്മദാബാദ് തങ്ങൾക്ക് സന്തോഷകരമായ ഓർമ്മകളാണ് സമ്മാനിച്ചിരിക്കുന്നതെന്നും സിന്ധു പറഞ്ഞു. ഇവിടെ വെച്ചുള്ള അഞ്ച് ചിത്രങ്ങളാണ് സിന്ധു കൃഷ്ണ പങ്കുവെച്ചിരിക്കുന്നത്. പ്രീതി അദാനിയ്‌ക്ക് സമ്മാനങ്ങൾ നൽകുന്ന ചിത്രവും ഇതിലുണ്ട്. കൂടിക്കാഴ്ച നടത്തിയത് ബിസിനസ് സംബന്ധമായിരുന്നോ എന്ന കാര്യത്തിൽ വ്യക്തതയില്ല. കൂടിക്കാഴ്ചയുടെ കൂടുതൽ വിവരങ്ങളൊന്നും തന്നെ പുറത്തു വിട്ടിട്ടില്ല.
സിന്ധു കൃഷ്ണ പങ്കുവെയ്‌ക്കുന്ന വീഡിയോകളും പോസ്റ്റുകളും വളരെ പെട്ടെന്ന് തന്നെ സമൂഹമാദ്ധ്യമങ്ങളിൽ ശ്രദ്ധിക്കപ്പെടാറുണ്ട്. ഇടയ്‌ക്കൊക്കെ സിന്ധുവിനൊപ്പം കൃഷ്ണകുമാറും വീഡിയോയിൽ പ്രത്യക്ഷപ്പെടുന്നു.
Comments