യാത്രാക്ലേശത്തിന് വിരാമം; രാമേശ്വരത്തേക്ക് പുതിയ ട്രെയിൻ സർവീസ്; സംസ്ഥാനത്ത് എട്ട് ട്രെയിനുകൾക്ക് കൂടുതൽ സ്റ്റോപ്പുകൾ

യാത്രാക്ലേശത്തിന് അറുതി. മംഗലാപുരത്ത് നിന്ന് രാമേശ്വരത്തേക്ക് പുതിയ ട്രെയിൻ അനുവദിച്ച് ഇന്ത്യൻ റെയിൽവേ. ഇത് സംബന്ധിച്ച് റെയിൽവേ ടൈം ടേബിൾ കമ്മിറ്റി അംഗീകാരം നൽകി. തിരുവനന്തപുരത്ത് നിന്ന് മധുരയ്‌ക്കുള്ള അമൃത എക്‌സ്പ്രസ് രാമേശ്വരത്തേക്ക് നീട്ടാനും റെയിൽവേ ബോർഡിന് ശുപാർശ നൽകി. നിലവിലുള്ള യശ്വന്ത്പൂർ-കണ്ണൂർ എക്‌സ്പ്രസ് കോഴിക്കോട് വരെ നീട്ടാനും ശുപാർശ ചെയ്തതായി പാസഞ്ചർ അമിനിറ്റീസ് കമ്മിറ്റി ചെയർമാൻ പികെ കൃഷ്ണദാസ് വ്യക്തമാക്കി.

തീർത്ഥാടകരുടെ യാത്രസൗകര്യം വർദ്ധിപ്പിക്കാനായി രാമേശ്വരത്തേക്ക് കൂടുതൽ ട്രെയിൻ സർവീസ് വേണമെന്ന് പികെ കൃഷ്ണദാസ് റെയിൽ ബോർഡ് ചെയർമാൻ അനിൽ കുമാർ ലഹോട്ടിയ്‌ക്ക് നിവേദനം നൽകിയിരുന്നു. ഇതിന് പിന്നാലെയാണ് നടപടി. സംസ്ഥാനത്ത് സർവീസ് നടത്തുന്ന എട്ട് ട്രെയിനുകൾക്ക് കൂടുതൽ സ്റ്റോപ്പ് അനുവദിച്ചിട്ടുണ്ട്. യാത്രക്കാരുടെ വർദ്ധിച്ചുവരുന്ന എണ്ണം കണക്കിലെടുത്താണ് തീരുമാനം.

മംഗള, മാവേലി എക്‌സ്പ്രസുകൾക്ക് കൊയിലാണ്ടിയിൽ സ്‌റ്റോപ്പ് അനുവദിച്ച് റെയിൽവേ; പികെ കൃഷ്ണദാസിനും റെയിൽവേ ബോർഡിനും അഭിനന്ദന പ്രവാഹം

പുതുതായി സ്റ്റോപ്പ് അനുവദിച്ച ട്രെയിനുകളും അവയുടെ സ്റ്റോപ്പുകളും സമയക്രമവും:-

1) 16603 മംഗളൂരു-തിരുവനന്തപുരം മാവേലി എക്‌സ്പ്രസ്: അമ്പലപ്പുഴ-പുലർച്ച 3.10- ജൂലൈ 16 മുതൽ സർവീസ് നടത്തും

2) 16792 പാലക്കാട്-തിരുനെൽവേലി പാലരുവി എക്‌സ്പ്രസ്: കുണ്ടറ- രാത്രി 11.32- ജൂലൈ 18 മുതൽ സർവീസ് നടത്തും

3) 16606 നാഗർകോവിൽ-മംഗളൂരു ഏറനാട് എക്‌സ്പ്രസ്: നെയ്യാറ്റിൻകര- പുലർച്ച 3.00-ജൂലൈ 17 മുതൽ സർവീസ് നടത്തും
4) 16344 മധുര-തിരുവനന്തപുരം അമൃത എക്‌സ്പ്രസ്: കരുനാഗപ്പള്ളി-പുലർച്ച 02.22-ജൂലൈ 16 മുതൽ സർവീസ് നടത്തും

5) 16347 തിരുവനന്തപുരം-മംഗളൂരു എക്‌സ്പ്രസ് എക്‌സ്പ്രസ്: ചാലക്കുടി: പുലർച്ച 2.09 -ജൂലൈ 16 മുതൽ സർവീസ് നടത്തും

6) 16381 പുനെ-കന്യാകുമാരി എക്‌സ്പ്രസ്: ഒറ്റപ്പാലം-പുലർച്ച 1.44-ജൂലൈ 15 മുതൽ സർവീസ് നടത്തും

7) 12618 ഹസ്രത്ത് നിസാമുദ്ദീൻ-എറണാകുളം മംഗള എക്‌സ്പ്രസ്: കുറ്റിപ്പുറം-പുലര്‍ച്ച 2.29, കൊയിലാണ്ടി-പുലർച്ച 03.09-ജൂലൈ 15 മുതൽ സർവീസ് നടത്തും

8) 16604 തിരുവനന്തപുരം മംഗളൂരു മാവേലി എക്‌സ്പ്രസ്: കൊയിലാണ്ടി-03.09-ജൂലൈ 16 മുതൽ സർവീസ് നടത്തും

അമൃത എക്‌സ്പ്രസിന് കരുനാഗപ്പള്ളിയിൽ പുതിയ സ്റ്റോപ് അനുവദിച്ച സാഹചര്യത്തിൽ ജൂലൈ 17 മുതൽ കൊല്ലം, വർക്കല സ്റ്റേഷനുകളിലെ സമയക്രമത്തിലും മാറ്റം വരും. കൊല്ലത്ത് പുലർച്ചെ-2.47-നും വർക്കലയിൽ 3.12-നുമാകും അമൃത എക്‌സ്പ്രസ് എത്തിച്ചേരുക.