കശ്മീർ ഫയൽസ്-2 ?; പുതിയ ചിത്രത്തിന്റെ വിവരങ്ങൾ പുറത്തുവിട്ട് സംവിധായകൻ വിവേക് അഗ്നിഹോത്രി

വിജയ ചിത്രമായ കശ്മീർ ഫയൽസിന് ശേഷം പുറത്തിറക്കുന്ന തന്റെ പുതിയ ചിത്രത്തിന്റെ വിവരങ്ങൾ പുറത്തുവിട്ട് സംവിധായകൻ വിവേക് അഗ്നിഹോത്രി. യഥാർത്ഥ സംഭവങ്ങൾ വിവരിക്കുന്ന പുതിയ ചിത്രത്തിന് കശ്മീർ ഫയൽസ് അൺറിപ്പോർട്ടഡ് എന്നാണ് പേര് നൽകിയിരിക്കുന്നത്. ചിത്രം ഉടൻ തന്നെ ഒടിടിയിൽ റിലീസ് ചെയ്യുമെന്ന് അദ്ദേഹം വ്യക്തമാക്കി. 2022-ൽ അദ്ദേഹം അണിയിച്ചൊരുക്കിയ കശ്മീർ ഫയൽസിന്റെ വൻ വിജയത്തിന് ശേഷമാണ് പുതിയ ചിത്രം.

തന്റെ ഫെയ്‌സ് ബുക്ക് പേജിലൂടെയാണ് അദ്ദേഹം പുതിയ ചിത്രത്തിന്റെ വിവരങ്ങൾ പങ്കുവെച്ചത്. ഒപ്പം ചിത്രത്തിന്റെ ഒരു ടീസർ വീഡിയോയും അദ്ദേഹം പങ്കുവെച്ചിരുന്നു. ‘കശ്മീർ ഹിന്ദുക്കളുടെ വംശഹത്യയെ കുറിച്ചുള്ള അപ്രിയസത്യം’ എന്നാണ് വീഡിയോയ്‌ക്കൊപ്പം അദ്ദേഹം കുറിച്ചത്. പുതിയ ചിത്രത്തിന്റെയും കഥയും തിരക്കഥയും ഒരുക്കുന്നതും വിവേക് അഗ്നിഹോത്രി തന്നെയാണ്.

കുറേ വംശീയവാദികളേയും ഭീകരവാദ അനുകൂലികളും ഭാരതത്തിന്റെ മറ്റ് ശത്രുക്കളെയും ചോദ്യം ചെയ്ത സിനിമയായിരുന്നു കശ്മീർ ഫയൽസ്. ‘ചെകുത്താന്റെ ചെയ്തികളെ വെല്ലുന്ന, കശ്മീർ ഹിന്ദുക്കൾ അനുഭവിച്ച വംശീയഹത്യയുടെ അപ്രിയ സത്യം’ നിങ്ങളിലേയ്‌ക്ക് എത്തിക്കുന്നു എന്നായിരുന്നു പുതിയ ചിത്രത്തെ കുറിച്ച് സംവിധായകൻ ട്വിറ്ററിൽ കുറിച്ചത്.

കൊറോണയ്‌ക്ക് ശേഷം ബോളിവുഡിലെ ഹിറ്റ് ചിത്രമായിരുന്നു കശ്മീർ ഫയൽസ്. ചിത്രത്തിൽ കേന്ദ്ര കഥാപാത്രമായി എത്തിയത് പല്ലവി ജോഷി ആയിരുന്നു. വാണിജ്യ പരമായി വൻവിജയം നേടിയ ചിത്രം 15- കോടി ചിലവിലാണ് നിർമ്മിച്ചത്. ചിത്രം 25 കോടിയോളം നേടി. പതിനൊന്ന് ഭാഷകളിലായാണ് ചിത്രം പ്രദർശനത്തിനെത്തിയത്.