ഇന്ത്യൻ വിപണിയ്‌ക്കായി പുതിയ കാർ നിർമ്മിക്കാനുള്ള ശ്രമത്തിലാണ് ടെസ്‌ല. 20 ലക്ഷം രൂപ വില വരുന്ന ഇന്ത്യൻ കുടുംബങ്ങൾക്ക് അനുയോജ്യമായ എല്ലാവിധ സജ്ജീകരണങ്ങളോട് കൂടിയാകും കാർ പുറത്തിറക്കുക . ഇതിനായി ഇന്ത്യയിൽ ഫാക്ടറി സ്ഥാപിക്കാൻ ടെസ്‌ല പ്രതിനിധികൾ ഈ മാസം ഇന്ത്യൻ വാണിജ്യ മന്ത്രി പിയൂഷ് ഗോയലിനെ കാണും.
ഇന്ത്യയിൽ ആഭ്യന്തര ഉൽപ്പാദന കേന്ദ്രം സ്ഥാപിക്കാൻ ടെസ്‌ല ശ്രമിക്കുന്നതായി റിപ്പോർട്ടുകൾ സൂചിപ്പിക്കുന്നു. നിർദ്ദിഷ്ട ഫാക്ടറി ഇന്ത്യൻ വിപണിയിൽ താങ്ങാനാവുന്ന ഇവികളുടെ ആവശ്യം നിറവേറ്റുക മാത്രമല്ല, ഒരു കയറ്റുമതി കേന്ദ്രമായി പ്രവർത്തിക്കുകയും ചെയ്യും. ടെസ്‌ലയുടെ 20 ലക്ഷം രൂപ വിലയുള്ള കാർ ഒരു ഗെയിം ചേഞ്ചർ ആണ്. ടെസ്‌ലയുടെ ഇപ്പോൾ ഏറ്റവും വിലകുറഞ്ഞ കാർ മോഡലിനു വില 32,200 ഡോളർ (26.32 ലക്ഷം രൂപ) ആണ്
.ഗുജറാത്തിലും ടെസ് ല ഫാക്ടറി സ്ഥാപിച്ചേക്കും. ഈ അത്യാധുനിക ഫാക്ടറിക്ക് പ്രതിവർഷം 5 ലക്ഷം വാഹനങ്ങൾ നിർമ്മിക്കാനുള്ള ശേഷിയുണ്ടാകും. വാഹന നിർമ്മാണത്തിന് പുറമെ രാജ്യത്തുടനീളം ചാർജിംഗ് ഇൻഫ്രാസ്ട്രക്ചർ സ്ഥാപിക്കാനും ടെസ്‌ല ലക്ഷ്യമിടുന്നു. അടുത്ത വർഷം അതായത് 2024ൽ എലോൺ മസ്‌കും ഇന്ത്യയിൽ എത്തും.
എലോൺ മസ്‌ക് കഴിഞ്ഞ മാസം പ്രധാനമന്ത്രി നരേന്ദ്ര മോദിയെ കണ്ടിരുന്നു. പ്രധാനമന്ത്രിയെ കണ്ടതിന് ശേഷം, ടെസ്‌ല ഇന്ത്യയിലേക്ക് വരുന്നതിനുള്ള സമയത്തെക്കുറിച്ച് ചോദിച്ചപ്പോൾ, “ടെസ്‌ല ഉടൻ തന്നെ ഇന്ത്യയിൽ എത്തുമെന്ന് ഞാൻ വിശ്വസിക്കുന്നു” എന്ന് മസ്‌ക് പറഞ്ഞിരുന്നു.
Comments