തിരുവനന്തപുരം : കേരളത്തെ ലഹരി മുക്ത സംസ്ഥാനമാക്കാന് പഴവര്ഗങ്ങളില് നിന്നും മദ്യം ഉത്പാദിപ്പിക്കുമെന്ന പ്രഖ്യാപനവുമായി മന്ത്രി എം.ബി രാജേഷ്. സംസ്ഥാനത്ത് ലഹരിമുക്ത പ്രവര്ത്തനങ്ങള് ശക്തമാക്കുകയാണ് ലക്ഷ്യം . പഞ്ചായത്തുകള് കേന്ദ്രീകരിച്ച് വിമുക്തി പദ്ധതിയുടെ പ്രവര്ത്തനങ്ങള് വ്യാപിപ്പിക്കും. വിമുക്തി മാതൃകാ പഞ്ചായത്തുകള് പ്രഖ്യാപിക്കുമെന്ന് മന്ത്രി അറിയിച്ചു.
‘പഴവര്ഗങ്ങളില് നിന്ന് മദ്യം ഉത്പാദിപ്പിക്കും. വിദേശികള് കൂടുതല് വരുന്ന റെസ്റ്റോറന്റുകളില് ബിയറും വൈനും നല്കാന് പ്രത്യേക ലൈസന്സ് നല്കും. വ്യവസായ പാര്ക്കുകളില് മദ്യം ലഭ്യമാക്കും. ഐ.ടി പാര്ക്കുകളില് മദ്യം നല്കുന്നതിനുള്ള ചട്ടം ഭേദഗതി ചെയ്തുവരികയാണ്’, മന്ത്രി വ്യക്തമാക്കി.
മയക്കുമരുന്ന് വ്യാപനത്തിനെതിരെ ശക്തമായ നിയമ നടപടി സ്വീകരിക്കും. എക്സൈസിനൊപ്പം എസ്.പി.സി കേഡറ്റുകളെ ഉള്പ്പെടുത്തി ലഹരിമരുന്ന് വ്യാപനം പഠിക്കാന് സംവിധാനം ഏര്പ്പെടുത്തും. കേരളത്തില് വിദേശ മദ്യവും ബിയറും പരമാവധി ഉത്പാദിപ്പിക്കാനാണ് നീക്കം ഇന്ത്യന് നിര്മ്മിത വിദേശ മദ്യത്തിന്റെ കയറ്റുമതിയെ പ്രോത്സാഹിപ്പിക്കും’, മന്ത്രി രാജേഷ് വിശദീകരിച്ചു.
