വാഷിംഗ്ടൺ : ദീപാവലിയ്ക്ക് രാജ്യം മുഴുവൻ ദേശീയ അവധിയായി പ്രഖ്യാപിക്കാനുള്ള നീക്കം ശക്തമാക്കി അമേരിക്ക . പാർലമെന്റിൽ ഇതുമായി ബന്ധപ്പെട്ട ബിൽ അവതരിപ്പിച്ചു കഴിഞ്ഞു. ഈ ബില്ലിന് നിരവധി അംഗങ്ങളുടെ പിന്തുണ ഉള്ളതുകൊണ്ട് തന്നെ ബിൽ ഭൂരിപക്ഷത്തോടെ പാസാകുമെന്നാണ് റിപ്പോർട്ട് .
അമേരിക്കയിലെ വൈറ്റ് ഹൗസിലും ദീപാവലി ആഘോഷിക്കാറുണ്ട്. അമേരിക്കയിൽ ക്രിസ്മസ് പോലെ ദീപാവലിയും പൊതു അവധിയായി പ്രഖ്യാപിക്കണമെന്ന ആവശ്യമാണ് ഇപ്പോൾ ഉയർന്നിരിക്കുന്നത് . യുഎസ് എംപി ഗ്രേസ് മെംഗാണ് ഈ ആവശ്യം ഉന്നയിച്ചത്. ഹിന്ദുക്കൾ, സിഖുകാർ, ബുദ്ധമതക്കാർ, ജൈനന്മാർ തുടങ്ങി നിരവധി മതങ്ങളിൽപ്പെട്ടവർ അമേരിക്കയിൽ ഈ ഉത്സവം ആഘോഷിക്കുമ്പോൾ, ദീപാവലി അവധിയായി പ്രഖ്യാപിക്കേണ്ടത് അത്യാവശ്യമാണെന്ന് ഗ്രേസ് പറയുന്നു.
ഇതിനുള്ള ബില്ലും എംപി യുഎസ് ജനപ്രതിനിധി സഭയിൽ സമർപ്പിച്ചിട്ടുണ്ട്. മറ്റ് എംപിമാരും ഈ നിർദേശത്തോട് അനുകൂലമായ പ്രതികരണമാണ് നൽകിയതെന്ന് ഗ്രേസ് പറയുന്നു. ഓരോ ആഴ്ചയും നിരവധി അംഗങ്ങൾ ഈ ബില്ലിനെ പിന്തുണച്ച് ഒപ്പിടാൻ മുന്നോട്ടുവരുന്നു. ദീപാവലി ആഘോഷിക്കുന്നവരോടൊപ്പം ആഘോഷത്തിൽ പങ്കെടുക്കുന്നവർക്കേ ഈ ഉത്സവത്തിന്റെ പ്രാധാന്യം മനസ്സിലാക്കാൻ കഴിയൂ. ഈ ബിൽ ഉടൻ പാസാക്കുമെന്ന് ഞാൻ പ്രതീക്ഷിക്കുന്നു.- ഗ്രേസ് പറയുന്നു.
ഒരു ഏഷ്യൻ അമേരിക്കൻ എന്ന നിലയിൽ ദീപാവലി എനിക്ക് പ്രധാനമാണെന്ന് ഗ്രേസ് മെങ് പറഞ്ഞു. കഴിഞ്ഞ പത്തുവർഷമായി ഗ്രേസ് ഇതിനായി ശ്രമിക്കുന്നു. എല്ലാ മേഖലകളിലും ഇന്ത്യൻ അമേരിക്കക്കാർ അമേരിക്കയ്ക്ക് കാര്യമായ സംഭാവന നൽകിയിട്ടുണ്ട്. രാജ്യത്തെ ഏറ്റവും വലിയ ഏഷ്യൻ അമേരിക്കൻ ജനസംഖ്യ ഇന്ത്യക്കാരാണ്. വിദ്യാഭ്യാസം, വ്യവസായം, ധനകാര്യം, അമേരിക്കൻ സംസ്കാരം ഉൾപ്പെടെയുള്ള സാങ്കേതിക വിദ്യ തുടങ്ങി എല്ലാത്തരം വികസന പ്രവർത്തനങ്ങളിലും ഇന്ത്യക്കാർ തങ്ങളുടെ പ്രത്യേക സംഭാവനകൾ നൽകിയിട്ടുണ്ട്. അതുകൊണ്ട് തന്നെ ഇന്ത്യക്കാരുടെ ആഘോഷങ്ങൾ ഏറ്റെടുക്കേണ്ടത് അമേരിക്കയുടെ ചുമതലയാണെന്നും ഗ്രേസ് പറയുന്നു.
