സ്വിഗ്ഗി-എച്ച്ഡിഎഫ്‌സി ക്രെഡിറ്റ് കാർഡ്!; ഉപഭോക്താക്കൾക്ക് ഓരോ ഇടാപാടിലും സ്വിഗ്ഗി മണിയിലേക്ക് ക്യാഷ് ബാക്ക്; സേവനങ്ങൾ ഇവയൊക്കെ

ഉപഭോക്താക്കൾക്ക് കൂടുതൽ സൗകര്യപ്രദമാകും വിധം ക്രെഡിറ്റ് കാർഡ് പുറത്തിറക്കി സ്വിഗ്ഗി. എച്ച്ഡിഎഫ്‌സി ബാങ്കുമായി സഹകരിച്ചാണ് ഭക്ഷ്യവിതരണ പ്ലാറ്റ്‌ഫോമായ സ്വിഗ്ഗി കോ-ബ്രാൻഡ് ക്രെഡിറ്റ് കാർഡ് പുറത്തിറക്കിയത്. മാസ്റ്റർ കാർഡുമായി ചേർന്നാണ് കാർഡിന്റെ പ്രവർത്തനം. ഓരോ ഇടപാടിലും 10 ശതമാനം ക്യാഷ്ബാക്ക് നൽകുന്നു എന്നതാണ് കാർഡിന്റെ സവിശേഷത.

സ്വിഗ്ഗി എച്ച്ഡിഎഫ്‌സി കാർഡ് 10 ശതമാനം ക്യാഷ് ബാക്ക് നൽകുമെന്ന് ഔദ്യോഗികമായി കമ്പനിയാണ് അറിയിച്ചത്. ഭക്ഷ്യവിതരണം, പലചരക്ക്, പുറത്ത് നിന്നും ഭക്ഷണം കഴിക്കുന്നത് തുടങ്ങി നിരവധി സേവനങ്ങൾക്ക് ക്യാഷ് ബാക്ക് സേവനം ലഭ്യമാകും. ഇതിന് പുറമേ ആമസോൺ, ഫ്‌ളിപ്കാർട്ട്. നൈക, ഒല, ഊബർ, സാറ എന്നീ പ്ലാറ്റ്‌ഫോമുകളിലൂടെയുള്ള പണമിടപാടിനും 5 ശതമാനം ക്യാഷ് ബാക്ക് കടകൾക്കും ലഭിക്കുന്നു എന്നത് ഇതിന്റെ മറ്റൊരു സവിശേഷയതയാണ്.

ഉപയോക്താക്കൾക്ക് ഒട്ടുമിക്ക എല്ലാ ഇടപാടുകൾക്കും ഒരു ശതമാനം ക്യാഷ് ബാക്കും ലഭ്യമാകുമെന്ന് കമ്പനി ഉറപ്പ് നൽകുന്നു. സ്വിഗ്ഗി മണി എന്ന രൂപത്തിലാകും ക്യാഷ് ബാക്ക് ലഭിക്കുക. ഇത് ഉപഭോക്താക്കൾക്ക് സ്വിഗ്ഗി പ്ലാറ്റ്‌ഫോമിലൂടെയുള്ള വിനിമയങ്ങൾക്ക് ഉപയോഗിക്കാനാകും. വരുന്ന പത്ത് ദിവസത്തിനുള്ളിൽ സ്വിഗ്ഗി ആപ്ലിക്കേഷനിൽ ക്രെഡിറ്റ് കാർഡ് ലഭ്യമായി തുടങ്ങും. യോഗ്യരായ ഉപഭോക്താക്കൾക്കാകും കാർഡിന് അപേക്ഷിക്കാനാകുക.