തൃശൂർ: മദ്യം വിലകുറച്ച് നൽകാത്തതിന്റെ പേരിൽ ബാർ അടിച്ചുതകർത്തു. സംഭവത്തിൽ രണ്ട് പേർ അറസ്റ്റിലായി. ഇരിങ്ങപ്പുറം സ്വദേശികളായ അഭിഷേക്, ശ്രീഹരി എന്നിവരാണ് അറസ്റ്റിലായത്. തൃശൂർ കോട്ടപ്പടി ഫോർട്ട് ഗേറ്റ് ബാറിൽ ഇന്നലെ രാത്രിയാണ് സംഭവം. 140 രൂപ വിലയുള്ള മദ്യം 100 രൂപയ്‌ക്ക് നൽകാത്തതിനാലാണ് യുവാക്കൾ ബാർ അടിച്ചുതകർത്തത്.
മദ്യം വിലകുറച്ച് നൽകാൻ ആവശ്യപ്പെട്ടതോടെ ബാർ ജീവനക്കാരുമായി വാക്കുതർക്കമുണ്ടായി. തുടർന്നുണ്ടായ വാക്കുതർക്കത്തിൽ ജീവനക്കാരുമായി ഉന്തും തള്ളുമുണ്ടായതോടെ യുവാക്കളെ ബാറിൽ നിന്ന് പുറത്താക്കിയിരുന്നു. ഇതിന് പിന്നാലെ ഇരുമ്പ് വടിയുമായെത്തിയ യുവാക്കൾ ബാർ അടിച്ചു തകർക്കുകയായിരുന്നു. ഇവരുടെ ആക്രമണത്തിൽ പരിക്കേറ്റ് മൂന്ന് ബാർ ജീവനക്കാരെ ആശുപത്രിയിൽ പ്രവേശിപ്പിച്ചിട്ടുണ്ട്.
Comments