ഒമ്പത് വർഷത്തിന് ശേഷം ഏഷ്യൻ ഗെയിംസിലേക്കുള്ള തിരിച്ചുവരവിൽ തിളങ്ങാൻ ഇന്ത്യ. പുരുഷ ടീം പന്തുതട്ടിയാണ് ടൂർണമെന്റിന് തുടക്കമിടുന്നത്. ഇന്ത്യൻ പുരുഷ ഫുട്ബോൾ ടീം ചൈനയ്ക്കെതിരെ പന്ത് തട്ടുന്നതോടെയാണ് ടൂർണമെന്റിന് തുടക്കാമുകുന്നത്. ഏഷ്യൻ ഗെയിംസ് യോഗ്യതാ റാങ്കിംഗിൽ നിന്ന് പുറത്തായ ബ്ലൂ ടൈഗേഴ്സ് ഏഷ്യയിൽ 18-ാം സ്ഥാനത്താണ്.
ഇന്ത്യൻ ഫുട്ബോളിന് സമീപകാലത്തെ ഫോം കണക്കിലെടുത്ത് പിന്നീട് കേന്ദ്ര കായിക മന്ത്രാലയം പ്രത്യേക അനുമതി നൽകുകയായിരുന്നു. ഒളിമ്പിക്സ് മാതൃകയിൽ അണ്ടർ 23 ടീമാണ് ഏഷ്യൻ ഗെയിംസിൽ മത്സരിക്കുക. സുനിൽ ഛേത്രി, ഗുർപ്രീത് സിംഗ് സന്ധു, സന്ദേശ് ജിങ്കാൻ എന്നിവരാണ് ടീമിലെ സീനിയർ താരങ്ങൾ.
ചൈന, ബംഗ്ലാദേശ്, മ്യാൻമർ എന്നിവരടങ്ങുന്ന ഗ്രൂപ്പ് എയിലാണ് ഇന്ത്യൻ പുരുഷ ടീം. സെപ്റ്റംബർ 19 നാണ് ഇന്ത്യ-ചൈന പോരാട്ടം.
തായ്ലൻഡ്, ചൈനീസ് തായ്പേയ് എന്നിവരടങ്ങുന്ന ടീമിലാണ് വനിതാ ടീം. സെപ്റ്റംബർ 19 മുതൽ ഒക്ടോബർ 7 വരെയാണ് ഏഷ്യൻ ഗെയിംസിലെ ഫുട്ബോൾ മത്സരങ്ങൾ.
ഏഷ്യൻ ഗെയിംസിനുള്ള ഇന്ത്യൻ പുരുഷ ഫുട്ബോൾ ടീം മത്സരക്രമം
സെപ്റ്റംബർ 19: ഇന്ത്യ – ചൈന
സെപ്റ്റംബർ 21: ഇന്ത്യ – ബംഗ്ലാദേശ്
സെപ്റ്റംബർ 24: മ്യാൻമർ – ഇന്ത്യ
സെപ്റ്റംബർ 27 അല്ലെങ്കിൽ 28: പുരുഷന്മാരുടെ നോക്കൗണ്ട് റൗണ്ട്
ഒക്ടോബർ 1: പുരുഷന്മാരുടെ ക്വാർട്ടർ ഫൈനൽ
ഒക്ടോബർ 4: പുരുഷന്മാരുടെ സെമി ഫൈനൽ
ഒക്ടോബർ 7: പുരുഷന്മാരുടെ ഫൈനൽ/വെങ്കല മെഡൽ മത്സരം
ഏഷ്യൻ ഗെയിംസിനുള്ള ഇന്ത്യൻ വനിതാ ഫുട്ബോൾ ടീം മത്സരക്രമം
സെപ്റ്റംബർ 21: ഇന്ത്യ – ചൈനീസ് തായ്പേയ്
സെപ്റ്റംബർ 24: ഇന്ത്യ – തായ്ലൻഡ്
സെപ്റ്റംബർ 30: വനിതകളുടെ ക്വാർട്ടർ ഫൈനൽ
ഒക്ടോബർ 3: വനിതകളുടെ സെമി ഫൈനൽ
ഒക്ടോബർ 6: വനിതകളുടെ ഫൈനൽ /വെങ്കല മെഡൽ മത്സരം
Comments